Minstry y'ebyobulimi obulunzi n'obuvubi efulumizza enteekateeka y'okusitula omutindo mu mpeereza yaabwe

MINISTRY y'ebyobulimi n'obulunzi efulumizza enteekateeka ey'emyaka etaano egendereddwaamu okulinnyisa omutindo gwempeereza yaabwe. 

Enteekateeka eno emenyedwaamu ebiti bisatu okusobola okunnyikiza obwerufu mu nkola y'emirimu mu ministry eno,  omuli emirimu bweginatambuzibwa mu myaka etaano,[strategic  Development plan] engeri obuwereza gyebunatuuka ku balimi , abalunzi wamu n'abavubi ssaako  n'engeri omuntu wa wansi gy'asobola okumanya awantu gyasobola okwekubira enduulu ng'alina kyayagala okwebuuza.

Hon Fred Bwiino Kyakulaga Minister we byobulimi n'obulunzi ( mu sSuuti ya Blue) ng'ayogerako eri abakozi okuva mu Kitongole kye byobulimi n'obulunzi

Mu kaweefube wokulaba nga eggwanga lyatu Uganda lyongera ku bungi bwebirime , ebyobulunzi wamu n'ebyobuvubi , gavumenti ebakanye ne nteekateeka  eyabuli myaka etaano okulaba nga kino kituukirizibwa.

Enteekateeka etongozeddwa Hon Bwino Fred Kyakulaga wali ku kitebe kyabwe Entebbe ngali wamu n'omuwandiisi  w'enkalakkalira mu ministry eno Major Gen David Kasura Kyomukama.   

Mukwogerako eri banamawulire ku kitebe kino Major Gen David Kasura Kyomukama atadde abakozi ba gavumenti ku ninga  obutebakira ku mirimu nti singa banakikola bakugobwa bafiirwe emirimu kubanga omulimu gwebalina gwakutuusa mpereza nungi eri abalimi .

Minister we by'obulimi n'obulunzi Hon Fred Bwiino Kyakulaga nga ayogerako eli abakozi be Kitongole kye byobulimi nobulunzi e Ntebe.

Kyomukama ategezeza nti kyateeka abalimi ,abalunzi , wamu n'abavubi okumanyisibwa ku bigenda mu maaso gavumenti byebeera ereese nga na bwekityo beeyama  ga ministry okunyikiza empereza ennungi mu myaka gino egijja balabe ng'obulimi , obulunzi n'obuvubi bukulakulanira ku sipiidi ya yiriyiri naye nti abakozi okuva mu Kitongole kye byobulimi abatasobola kukola mulimu guno bulungi nga bagala kutuula mu office balinde emisaala bakugobwa .

Ate ye Hon Bwino  Fred Kyakulaga akkatiriza ku nsonga lwaki batongoza enteekateeka eno n'agamba nti waliwo ebituukiddwako nga ku bino kuliko omuwendo gw'amata agatundibwa okweyongera era nti Uganda efunye obuwumbi bwa America 2 .2 okuva mu mwanyi kyoka nga Africa yafuna obuwumbi 3 obwa America ekitegeeza nti Uganda yeyasinga okuyingiza ensimbi okuva mumwanyi ekintu kyagambye nti kirungi nnyo .