Paapa Leo asiimimye Babbulaaza b'ekisubi 5 abajuguzza Jubireewo

Babbulaaza b’ekibiina ky’Obunaddiini ekya Brothers of Christian Instruction, abamanyiddwa enyo nga Babbulaaza b’e Kisubi 4 bajaguzza emyaka 25 mu Bunnaddiini.Kubano kwabaddeko Bro. John Paul Tamale (omukulu w’essomero lya Caltec Academy Makerere), Bro. Marius Murongo (asomesa mu Uganda Martyrs University e Nkozi), Bro. Augustine Tumwebaze, ne Bro. Hilary Byabasheija (omukulu w’essomero lya Comboni College Lira).

Ebikujjuko bya Jubireewo

Ate Bro. John Baptist Kalama, azaalibwa mu kigo ky’e Buyinja Butoole mu ssaza ly’e Kiyinda-Mityana, nga mukiseera kino asomesa mu University ya Babbulaaza e Kisubi, y’ajaguzza emyaka 50 mu Bunnaddiini. Abajaguza bonna Paapa Leo XIV yabayozaayozezza, era n’abaweereza omukisa gwe ogw’Obutume.

Baana bawala nga basanyusa abantu ku jjubireewo

Omukolo gw’abadde mu Klezia ya St. Mary’s College Kisubi, ku Lusooka Omwaka (Lwakuna, January 1, 2026). Gwakuliddwa Ssabasumba Paulo Ssemogerere, eyatenderezza ennyo Babbulaaza bano olw’ettoffaali eddene lyebatadde ku Klezia mu Uganda n’enkulaakulana y’eggwanga, ng’abayita mu butume bwabwe obw’okusomesa n’okugunjula abaana n’abavubuka.

Ng’ojjeeko abajaguza, ekibiina kino ky’afunye Babbulaaza abapya 11, abaakubye ebiragaano byabwe eby’Obunnaddiini, ebisooka. Ate abavubuka 10, abali mukutendekebwa, bakkiriziddwa mu Novitia y’ekibiina kino, atemwebaliva okufuuka Babbulaaza abajjuvu, Katonda bw’aliba ayagadde.

Okuwa ebirabo

Ssenkulu w;ekibiina kino, owa Pulovinsi ya Tereza ow’Omwana Yezu etwala Uganda ne South Sudan, Bro. Casio Aizire y’ayozaayozezza abaahaguzza jubileewo, abaakubye ebiragaano ebisooka, n’Abanoviisi abapya, n’abasubiza obuwagizi n’enkolagana ennungi. Omukolo gwetaidwako ne Bbulaaza Anthony Kamuhanda, Ssenkulu w’ekibiina kino owa Pulovinsi ya Mikaili Ssabamalayika, etwala Kenya ne Tanzania.