Emirambo gy'aboluganda abasatu abafiira mu kabenje e South Africa  gituusiddwa mu maka ga kitaabwe e Kawaala

Emirambo gy'aboluganda abasatu abafiira mu kabenje e South Africa  gituusiddwa mu maka ga kitaabwe e Kawaala wakati mu miranga n'okwaziirana.

Emirambo nga gituuka ewaka

Ab'oluganda bano abafiira mu kabenje e South Africa kuliko; Lilian Namwanje 32, Raymond Ssenabulya 29 ne Sheilah Mukasa 22 abadde asoma univasite, nga bonna  baana ba mulangira  Joseph Wasajja Kitaawe ne Jamirah Mukasa,  omutuuze mu zooni ya Kawaala II, mu muluka gw'e Kasubi, ggombolola y'e Lubaga.

Bafiira  mu kabenje e South Africa nga January 10, 2026 bwebaali  bagenda ku Kitebe Kya Uganda e South Africa okuzza obujja Passport ya munnaabwe.

Aba Rhino Funeral Service nga batuusa emirambo ewaka

Emirambo gyabwe gyakomezeddwaawo kuno kkampuni ya Rhino enkola ku by'okuziika, gyatuusibwa ku mmande ya wiiki Eno, negiterekebwa mu kkampuni ya Rhino enkola ku by'okuziika, leero ku lw'okusatu negireetebwa mu maka ga kitaabwe e Kawaala zone II.

Twaha Kasozi, ssentebe wa ba nnayuganda e South Africa agambye nti, abagenzi ababadde bababeera ku kyalo Naas  baafa nga 10 January, bwebaali bava okuzza Visa ya munaabwe obujja,  ente eyali mu luguudo yeeyavaako akabenje emmotoka nezetomera bwenyi ku bwenyi ku kyalo Nkomazi mu Municipality Nkomazi.9

Aba Rhino funeral Service nga batuusa emirambo ewaka

Aboogeddeko ng'abavubuka ababadde n'empisa n'eddiini. 
E South Africa baatwalibwayo nyabwe Jamirah Mukasa, nga gyabadde abeera  era bonna nga bweyabatwala baafudde lumu. Bagenda kuziikibwa enkya ku lw'okuna ku kyalo Ssenya e Masaka