Amawulire
Owa UPDF avunaaniddwa gwa kulagajjalira masasi ng’ali mu ddwaniro e Somalia
L/Cpl Elimoth Nahwera Babeitha 46 nga mujaasi wa UPDF mu kibinja 123 battalion ng’akola gwa Makanika.
Owa UPDF avunaaniddwa gwa kulagajjalira masasi ng’ali mu ddwaniro e Somalia
By: Margaret Zalwango, Journalist @New Vision
OMUJAASI avunaaniddwa kulagajjalira masasi ng’ali mu ddwaniro e Somalia.
L/Cpl Elimoth Nahwera Babeitha 46 nga mujaasi wa UPDF mu kibinja 123 battalion ng’akola gwa Makanika.
Avunaaniddwa okulagajjalira amasasi 120 agaali gakola obulungi ne gabula.
Oludda oluwaabi lugamba nti nga December 12,2024 e Somalia mu kitundu kye bayita Soljare yalagajjala amasasi ago ne gabula.
Omuwaabi wa gavumenti 2lt Anthony Olupot asabye kkooti ekulirwa Col. Patra Asha owa kkooti ya magye e Makindye babaweemu wiiki bbiri basobole okufuna abajulizi gye bali omusango gutandike okuwulirwa.
Nahwera atwaliddwa mu kkomera lya magye e Makindye okutuusa nga April 22, 2026 lw’anazzibwa mu kkooti okuwulira obujulizi.