Abakwatiddwa mu gw'okutta abasuubuzi e Masaka bewaddeko obujulizi

Poliisi nga eriwamu ne Flying squad bakute abasajja 6 abagambibwa okuba emabega w'okuttibwa kw'abasuubuzi n'omusomesa mu bbendobendo lye Masaka.

Abakwate kuliko Fudia Eria Ono mutuuze we kyazanga,,Umar Ssempijja mutuuze mu Nyendo,Paul Kiyimba mutuuze mu Nyendo,Moses Nuwagaba amanyiddwa nga Kanyankore mutuuze we Nabulagala mmengo mu Kampala,Muhammad Sendawula n'omulala ategerekeseeko erya Simon.

Omwogezi wa poliisi mu bbendobendo lye masaka Twaha Kasirye ng'aliiko byasoya abakwate

Bano okukwatibwa kiddiridde Flying squad ne poliisi mu bbendobendo lye Masaka okukola omuyigo ku bantu abaali emabega w'okuttibwa  kw'abasuubuzi okuli Stella Najjingo wa hard ware nga Ono yali mutuuze ku kyalo Kateera mu divizoni ya Nyendo Mukungwe mu kibuga masaka, omusuubuzi w'emmwanyi George William Bifaaki omutuuze ku kyalo kikebene mugombolola ye Kisekka e Lwengo ,eyali omusomesa ku ssomero lya kyangwe p/s mu disitulikiti ye Lwengo Denis Mutebi n'abalala.

Bano balaze poliisi engeri gyebalukamu olukwe lw'okutta abagenzi era nga  berumirizza kwossa n'okwewako obujulizi mu maaso ga poliisi.

Omwogezi wa poliisi mu bbendobendo lye masaka Twaha Kasirye ng'aliiko byasoya abakwate

 Abatuuze basiimye poliisi kyokka ne basaba okwongera okukola ebikwekweto n'okufefFeta abamenyi bw'amateeka ate abandi ne basaba gavumenti okuwa abakwate ekibonerezo ekibajjamu.

Omwogezi wa poliisi mu bbendobendo lye Masaka Twaha Kasirye akakasizza okukwatibwa kwa bano n'ategeeza nga bwebagenda okutwalibwa mu mbuga z'amateeka bavunanibwe naasaba abantu okubeera abakakamu.