Amawulire
Abantu 2 abagambibwa okuteega omukyala ne bamukuba ennyondo ne bamunyaga poliisi ebakutte!
POLIISI e Kasese, ekutte abantu babiri abagambibwa okuteega omukyala ne bamukuba ennyondo ne bamunyagako ebintu.
Abantu 2 abagambibwa okuteega omukyala ne bamukuba ennyondo ne bamunyaga poliisi ebakutte!
By: Godfrey Kigobero, Journalist @New Vision
POLIISI e Kasese, ekutte abantu babiri abagambibwa okuteega omukyala ne bamukuba ennyondo ne bamunyagako ebintu.
Bibadde mu Kyababinga Cell, mu Central Division e Kasese , ababbi bwe bazingizza Florence Nakabira 35 nga yaakatuuka ewuwe okuva mu katale ne bagezaako okumubba.
Abakwatiddwa , kuliko muganzi we Khasim Kasaija 37 ne Habibu Amanyire 40 nga bombi batuuze b'e Kasunganyaja mu disitulikiti y'e Bunyangabo.
Kigambibwa nti bamukubye ennyondo mu luba olwa kkono nga bagezaako okumubbako ebintu kyokka n'akuba enduulu, baliraanwa ne bamuduukirira ne babakwata.
Omwogezi wa poliisi mu Rwenzori East , Elly Maate, agambye nti bano bombi, bakuumirwa ku poliisi enkulu e Kasese nga baakutwalibwa mu kkooti ku misango gy'okugezaako okubbisa eryanyi n'okutuusa obuvune ku muntu.