Amawulire
Abatuuze bakkakkanye ku muvubuka gwe bateeberezza okuba omubbi ne bamutta!
Omugenzi Muhammad Mande 28, ne munne Abdallah Thembo nga batuuze b'e Nyakabale mu ggombolola y'e Kitswamba mu disitulikiti y'e Kasese , abatuuze mu Saayuni Central cell mu Rugendabara Kikongo t/c be babakubye nga babateebereza okubeera ababbi.
Abatuuze bakkakkanye ku muvubuka gwe bateeberezza okuba omubbi ne bamutta!
By: Musasi Bukedde, Journalist @New Vision
OMUVUBUKA agambibwa okubeera omubbi, abatuuze bamukkakkanyeeko ne bamukuba ne bamutta n'omulambo ne bagwokya, munne n'asimatukka n'ebisago.
Omugenzi Muhammad Mande 28, ne munne Abdallah Thembo nga batuuze b'e Nyakabale mu ggombolola y'e Kitswamba mu disitulikiti y'e Kasese , abatuuze mu Saayuni Central cell mu Rugendabara Kikongo t/c be babakubye nga babateebereza okubeera ababbi.
Poliisi okuva e Kitswamba w'etuukidde nga bali mu mbeera mbi , era Mande n'afa nga bamussa mu mmotoka okumutwala mu ddwaaliro ate ye munne, bagenda mu maaso n'okumujjanjaba.
Omwogezi wa poliisi mu kitundu kya Rwenzori East, Elly Maate , avumiridde ebikolwa eby'okutwalira amateeka mu ngalo.