Amawulire
Aba Nile Breweries Limited batongozza eky'okunywa ekipya ne bawaga
Wakati mu keeterekerero k'okujaguza emyaka 75 egy'obuweereza, okuwa Bannayuganda emirimu saako n'okutumbula eby'enfuna by'eggwanga kkampuni ensogozi y'omwenge eya Nile Breweries Limited etongozza eky'okunywa ekya waragi ekisookedde ddala nga kino kitumidwa Kyooto Waragi.
Aba Nile Breweries Limited batongozza eky'okunywa ekipya ne bawaga
By: Bukedde Omusunsuzi, Journalist @NewVision
Wakati mu keeterekerero k'okujaguza emyaka 75 egy'obuweereza, okuwa Bannayuganda emirimu saako n'okutumbula eby'enfuna by'eggwanga kkampuni ensogozi y'omwenge eya Nile Breweries Limited etongozza eky'okunywa ekya waragi ekisookedde ddala nga kino kitumidwa Kyooto Waragi.
Eno ebbanga lyonna ebadde emanyikiddwa mu kukola mwenge bika bye 'Beer' omuli Nile, Club, Pilsner, n'ebirala nga ku mulundi guno basazeewo okugaziya obuweereza bwabwe nga bagattako Waragi.
Omukolo gw'okutongoza eky'okunywa kino gwabadde ku Ndere Cultural Centre e Ntinda mu Kampala.
Akulira kkampuni eno Nkanyiso Mncwabe yategeezeza nti okutongoza Kyooto Waragi kabonero akalaga engeri kkampuni gy'eyongera okugaziya ebika by'ebintu by'ekola okusobola okutuukiriza ebyetaago by'abaguzi, nga bwe yeeyongera okukuuma omutindo gw'ebintu byayo.
Yayongeddeko nti Kyooto Waragi akoleddwa ku mutindo ogutuukagana n'omutindo gw'ekitongole kya Uganda National Bureau of Standards (UNBS), era ng'eccupa yaagwo erina akabonero akakakasa nti omwenge tegwonooneka ate era gulina obuwoomi obwenjawulo.