Amawulire
Abagambibwa okuba emabega w'obubbi bwa pikipiki mu Kampala bakwatiddwa
Mu kikwekweto kino ekikoleddwa poliisi ya old Kampala mu zzooni ya Muzaana Kisenyi II , era bazudde pikipiki bbiri ezigambibwa okuba enzibe nga baazipangulula wamu ne sipeeya wa pikipiki endala awerako.
Abagambibwa okuba emabega w'obubbi bwa pikipiki mu Kampala bakwatiddwa
By: Godfrey Kigobero, Journalist @New Vision
Abantu basatu abagambibwa okuba emabega w'obubbi bwa pikipiki, bakwatiddwa mu kikwekweto ekikoleddwa poliisi mu Kisenyi mu Kampala.
Mu kikwekweto kino ekikoleddwa poliisi ya old Kampala mu zzooni ya Muzaana Kisenyi II , era bazudde pikipiki bbiri ezigambibwa okuba enzibe nga baazipangulula wamu ne sipeeya wa pikipiki endala awerako.
Emu ku pikipiki zino ya kika kya TVS Star nnamba UMA 427J n'endala ekika kya Bajaj Boxer okutali nnamba. Waliwo omu ku bavuzi ba bbooda eyawaabye omusango gw'okumubbako pikipiki ekika kya TVS ku poliisi e Lungujja eggulo, ng'esuubirwa okuba nga yeeyo.
Amyuka omwogezi wa poliisi mu Kampala n'emiraano, Luke Owoyesigyire, agambye nti bakyagenda mu maaso n'okubaggyako amawulire amalala.