Amawulire
Poliisi ezudde ente 10 ezigambibwa okuba enzibe mu kikwekweto kyayo
Omwogezi wa poliisi mu Savanna ASP, Sam Twineamazima ategeezezza nti kino kyaddiridde amawulire g'ekikessi oluvannyuma lw'abantu babiri abaabadde baliko ente ze batunda ku kyalo Nakalikirya mu Lwampanga Town Council mu disitulikiti y'e Nakasongola.
Poliisi ezudde ente 10 ezigambibwa okuba enzibe mu kikwekweto kyayo
By: Samuel Kanyike, Journalist @New Vision
POLIISI y'e Nakasongola ekoze ekikwekweto mw’ezuulidde ente 10 ezigambibwa okubeera enzibe.
Omwogezi wa poliisi mu Savanna ASP, Sam Twineamazima ategeezezza nti kino kyaddiridde amawulire g'ekikessi oluvannyuma lw'abantu babiri abaabadde baliko ente ze batunda ku kyalo Nakalikirya mu Lwampanga Town Council mu disitulikiti y'e Nakasongola.
Poliisi yayungudde bassajja baayo abaagudde ku bantu bano n'ente 10 ezigambibwa okubbibwa ku mutuuze ku kyalo Kiyanja n'ekwatako omu omulala n'amalamu omusulo kyokka naye oluvannyuma n'emukwata.
Twineamazima ategeezezza nti banoonyereza kyokka n'asiima abantu abaagiwadde amawulire gano n'abasaba okugenda mu maaso basobole okufuuza ababbi b'ente