Amawulire
Abagambibwa okucupula ndagamuntu ne kkaadi z'amasimu poliisi ebakutte
POLIISI ya CPS n'eya Old Kampala, bakoze ekikwekweto mu ppaaka ya ttakisi empya ne bakwata abantu basatu abagambibwa okutunda kkaadi z'amasimu mu bukyamu, okucupula endagamuntu n'ebiwandiiko ebirala.
Abagambibwa okucupula ndagamuntu ne kkaadi z'amasimu poliisi ebakutte
By: Godfrey Kigobero, Journalist @New Vision
POLIISI ya CPS n'eya Old Kampala, bakoze ekikwekweto mu ppaaka ya ttakisi empya ne bakwata abantu basatu abagambibwa okutunda kkaadi z'amasimu mu bukyamu, okucupula endagamuntu n'ebiwandiiko ebirala.
Obuuma bwe baabasanze nabwo
Ekikwekweto kikoleddwa mu ppaaka empya ku kizimbe kya Wholesale building ne bakwata ebintu ebiwerako omuli sikaani y'ebyenkumu, ekitabo omuli amannya g'abo abaaweebwa kkaadi z'amasimu, Endagamuntu eziwerako n'ebintu ebirala era ng'okubuuliriza kugenda mu maaso.
Kigambibwa nti bano, bali mu kibinja ekitunda kkaadi z'amasimu ez'ebitongole eby'enjawulo mu bukyamu, okujingirira paasipooti , endagamuntu n'ebiwandiiko ebirala .
Layini ezaasangiddwa nga zitundibwa mu bukyamu
Amyuka omwogezi wa poliisi mu Kampala, Luke Owoyesigyire, agambye nti, bamaze okutuukirira ekitongole kya NIRA wamu ne kkampuni z'amasimu okuyambako mu kunoonyereza kwe baliko.
Akamu ku buuma bwe baabasanze nabwo.