Amawulire
Balaam asazeeko aba 'Palamenti y'amalwa' e Kiryandongo n'abasomera etteeka ly'okunywa eppya
Balaam bw'abadde ava mu bitundu bya West Nile asazeewo okuyimirirako mu kabuga k'e Bweyale mu disitulikiti y'e Kiryandongo gy'agukidde ku Ghetto emu gy'asanze abanywi b'amalwa emisana ttuku n'abasomera ekiragiro ekiyimiriza okunywa omwenge nga tezinnawera ssaawa 9:00 basobole okufuna obudde okukola.
Balaam asazeeko aba 'Palamenti y'amalwa' e Kiryandongo n'abasomera etteeka ly'okunywa eppya
By: James Magala, Journalist @New Vision
MINISITA wa gavumenti z'ebitundu Balaam Barugahara asazeeko Palamenti y'Abanywi b'Amalwa mu kabuga k'e Bweyale mu disitulikiti y'e Kiryandongo okubasomera ekiragiro kye yayisa ku banywa omwenge nga tezinnawera ssaawa mwenda ez'emisana.
Balaam bw'abadde ava mu bitundu bya West Nile asazeewo okuyimirirako mu kabuga k'e Bweyale mu disitulikiti y'e Kiryandongo gy'agukidde ku Ghetto emu gy'asanze abanywi b'amalwa emisana ttuku n'abasomera ekiragiro ekiyimiriza okunywa omwenge nga tezinnawera ssaawa 9:00 basobole okufuna obudde okukola.
Abanywi Balaam abagambye nti ku wiikendi okunywa mu budde bwabwe naye ennaku endala bagende bakole nga teri alina kunywa nga tezinnawera ssaawa 9:00 ez'akawungeezi.
E Kiryandongo abanywi b'Amalwa basanyukidde Minisita Balaam okubannyonnyola ekiragiro era ne bakiwagira ne bategeeza nti omuntu tasaana kunywa mwenge nga tannakola kyokka abakola emirimo gy'akawungeezi ne bamusaba abakkirize banywenga emisana.