Amawulire
Omusajja atemye munne abadde amutaasa ng'alwanagana ne mukazi we
Omusajja akkakkanye ku musajja abadde amutaasa nga balwanagana ne mukyala we, n'amutema ebiso ebimusse.
Omusajja atemye munne abadde amutaasa ng'alwanagana ne mukazi we
By: Godfrey Kigobero, Journalist @New Vision
Omusajja akkakkanye ku musajja abadde amutaasa nga balwanagana ne mukyala we, n'amutema ebiso ebimusse.
Poliisi e Kabale , ekutte Silva Mubangizi 53, agambibwa okukkira, Emmanuel Byaruhanga 60 n'amutema n'amutta , lwa kumutaasa.
Omugenzi abadde mutuuze ku kyalo Ihimbi Cell mu Rutooma Ward mu Northern Division e Kabale.
Kigambibwa nti enjega ebadde ku kyalo Kabindi cell mu muluka gw'e Bushuro mu ggombolola y'e Kitumba , Mubangizi bw'abadde alwana ne mukyala we nti kyokka Byaruhanga n'abataawulula.
Omwogezi wa poliisi mu Kigezi, Nelson Tumushime, agambye nti, Mubangizi oluvannyuma akyukidde Byaruhanga n'amuyombesa nga n'ekiddiridde kubaka jjambiya n'amutema n'amutta. Okubuuliriza kugenda mu maaso.