Amawulire
Agambibwa okugula amasimu amabbe n'agatunda e Congo poliisi emukutte
Munnansi wa Congo agambibwa okuba ng'aludde ng'agula amasimu amabbe n'agatwala e Congo, poliisi y'e Nansana emukutte
Agambibwa okugula amasimu amabbe n'agatunda e Congo poliisi emukutte
By: Godfrey Kigobero, Journalist @New Vision
Munnansi wa Congo agambibwa okuba ng'aludde ng'agula amasimu amabbe n'agatwala e Congo, poliisi y'e Nansana emukutte
Justine Kulumushi 34 , ye yakwatiddwa poliisi , oluvannyuma lw'okubbibwa kw'essimu ekika kya iPhone eggulo ebalirirwamu obukadde 3.
Mu kulondoola essimu, yalaze nga baagitutte ku kizimbe kya Kalungi Plaza mu Kampala nti n'oluvannyuma ne bajongerayo e Beni mu Congo.
Omusajja ono, baamukutte yaakadda okuva e Beni ng'anoonye essimu endala 27 ze babadde bamaze okyusakyusa ebigikwatako.
Amyuka omwogezi wa poliisi mu Kampala n'emiriraano, Luke Owoyesigyire, agambye nti bakyalondoola n'abalala era n'ayita abo be babbako amasimu okubatuukirira.