Amawulire
Mmotoka eremeredde omugoba waayo ku Kafumbe Mukasa n'etta 3!
Abantu 3 be bakakasiddwa okufiira mu kabenje akagudde ku luguudo lwa Kafumbe Mukasa mu Kisenyi mu Kampala.
Mmotoka eremeredde omugoba waayo ku Kafumbe Mukasa n'etta 3!
By: Godfrey Kigobero, Journalist @New Vision
Abantu 3 be bakakasiddwa okufiira mu kabenje akagudde ku luguudo lwa Kafumbe Mukasa mu Kisenyi mu Kampala.
Canter eyakoze akabenje
Kabaddewo ku ssaawa nga 4:00 ez’oku makya leero, mmotoka canter nnamba UAX 513N bw'eremeredde ddereeva waayo, n'eyingirira abavuzi ba bbooda ku siteegi.
Abavuzi ba boda boda babiri bafudde n'oweebigere abadde afunye ebisago eby’amaanyi naye oluvannyuma n'afa olwo bafudde ne bawera basatu.
(Vidiyo eyabadde eraga ekibaddewo)
Ddereeva w'emmotoka asoose okudduka nti kyokka oluvannyuma abaserikale ne bamukwata era akuumirwa ku poliisi ya Old Kampala ng'okunoonyereza ku kivuddeko akabenje, kugenda mu maaso.
Omwogezi wa poliisi y'ebidduka, Micheal Kananura, asabye abavuzi b'ebidduka okusooka okubyekenneenya n'okwewala okuvugisa ekimama.