Ab’eggaali y’omukka bazzeemu okumenya abeesenza okumpi n’ekkubo lyayo

AB'EKITONGOLE ky’eggaali y’omukka, bazzeemu okumenya abeesenza okumpi n’ekkubo lyayo. Bamenye obuyumba obuli mu mmita 10 okuva ku luguudo lw’eggaali, mu kaweefube w’okutereeza entambula yaayo.

Ssentebe waabwe, Robert Magumba yabalaalise ku Mmande okumenya emidaala egiri mu

Abamu Ku Be Baamenyedde Obuyumba Nga Basobeddwa

Embeera y’emu ye yabadde ku basuubuzi abakolera emabega wa Lufula bwe baabamenye ebyabwe. Baagenze mu katundu akamanyiddwa nga Gabiro Cell ne bamenya obuyumba bwonna ne balagira abaabussaawo obutabuzzaawo.

Obuyumba buno businga kukozesebwa bakolokota ebigere n’emitwe gy’ente n’ababadde bafumba. Wabula okumenya obuyumba kwabadde kugenda mu maaso ne wabaawo abaakoleezezza omuliro abantu abakolera mu kifo kino gwe balumiriza nti gwakoleezeddwa ab’ekitongole ky’eggaali nga kino kyawaliriziddwa abakwatibwako okuyita poliisi n’eguzikiza.

Ssentebe w’ekitundu kino, Samuel Aliku yagambye nti kyamwewuunyisizza okulaba ng’ab’eggaali y’omukka bamenya abatuuze be kuba yali yawandiikira Nabbanja basooke baggyewo abakolera mu mmita 10 ezaalagirwa, wabula si kye baakoze.
Omwogezi w’ekitongole kino,

Leon John Ssengendo yagambye nti abantu abakolera mu kitundu kino baali baalabulwa dda okukyamuka ne beesisiggiriza kwe kusindika abakozi ne bamenya obuyumba.

Yagambye nti waliwo abantu abaasazeewo okukuma omuliro okussaawo embeera nti ab’ekitongole ky’ggaali y’omukka be bagukumye ekitali kituufu. Poliisi ezikiriza omuliro yasitukiddemu okutaasa embeera.