Amawulire
Abomodde ekisenge ky'ennyumba n'abba enkoko z'apakidde mu kiveera abatuuze bamukutte lubona ne bamukwasa poliisi
ABATUUZE ku kyalo Kibanga mu muluka gw'e Vvumba mu kabuga ka Busiika mu disitulikiti ya Luweero nga bakolagana ne poliisi bakutte omu ku bavubuka abagambibwa okubatigomya nga babomola amayumba ne babanyaga.
Abomodde ekisenge ky'ennyumba n'abba enkoko z'apakidde mu kiveera abatuuze bamukutte lubona ne bamukwasa poliisi
By: Kanyike Samuel, Journalist @New Vision
ABATUUZE ku kyalo Kibanga mu muluka gw'e Vvumba mu kabuga ka Busiika mu disitulikiti ya Luweero nga bakolagana ne poliisi bakutte omu ku bavubuka abagambibwa okubatigomya nga babomola amayumba ne babanyaga.
Poliisi ng'eri wamu n'akulira eby'okwerinda ku kyalo Kibanga n'abatuuze bakoze ekikwekweto ne bakwata lubona omuvubuka Swaibu Ssekimpi ng'abomodde ekiyumba ky'enkoko n'ayingira munda n'azipakira ng'assa mu kiveera.
Omwogezi wa poliisi mu Savanna ASP Sam Twineamazima ategeezezza nti Ssekimpi bamusanze n'ennyondo eteeberezebwa okweyambisibwa mu kusima ebituli mu mayumba ne babba.
Omukwate era asangiddwa n'ensawo y'amanda egambibwa okuba enzibe era ebizibiti akuumirwa nabyo ku poliisi e Busiika ng'okunoonyereza bwe kugenda mu maaso.
Abatuuze mu bitundu eby'enjawulo bali ku bunkenke olw'ababbi ababayingirira omuli okumenya amayumba ne babba embuzi, enkoko n'emmwanyi.