Amawulire
RDC bamututte mu kkooti lwa ttaka lya yiika 2,500
RDC w’e Mpigi, Sarah Nanono Kaweesi ali mu kattu olw’omusango ogwamuwawaabiddwa mu Kkooti Enkulu ng’avunaanibwa okuyisa olugaayu mu nsala ya kkooti ku ttaka eriwerako yiika 2,560.
RDC bamututte mu kkooti lwa ttaka lya yiika 2,500
By: Bukedde Omusunsuzi, Journalist @NewVision
RDC w’e Mpigi, Sarah Nanono Kaweesi ali mu kattu olw’omusango ogwamuwawaabiddwa mu Kkooti Enkulu ng’avunaanibwa okuyisa olugaayu mu nsala ya kkooti ku ttaka eriwerako yiika 2,560.
Ettaka lino lituddeko ebyalo mukaaga okuli; Kanyike, Gunda, Kaweri, Jabiro, Kataba ne Butenga mu ggombolola y’e Kammengo mu disitulikiti y’e Mpigi nga liriko abatuuze abasoba mu 2,000.
Nanono baamukubye mu kkooti Enkulu e Mpigi ku misango gy’okutaataaganya n’okuyisa olugaayu mu nsalawo ya Kkooti Enkulu gye yawa, ku ttaka lino. Kkooti yawa ensala ey’enkomeredde ku ttaka lino nga 28/09/2022, kyokka RDC n’atyoboola ensala eno ng’agamba nti si nsalawo ya kkooti y’eyenkomeredde, sso nga ensalawo eno yassibwako emikono enjuyi zonna.
Abaamuloopye aba BK Wava Property Consultants Ltd, baayise mu bannamateeka baabwe aba Baale, Lubega and Co.Advocates.
Nanono yawawaabiddwa ne Robert Sserunjogi, Teopista Nabukalu ne Godfrey Katumba, era kkooti yaakutuula nga October 15, 2026 lwe basuubirwa okweyanjula beewozeeko. Oludda oluwaabi lusaba Nanono ne banne basindikibwe mu kkomera bamaleyo emyezi mukaaga lwa kutyoboola kkooti era basasule obukadde 500 n’engassi ya kawumbi kalamba.
Abaamuloopye aba BK Wava Property Consultants Ltd, baayise mu bannamateeka baabwe aba Baale, Lubega and Co.Advocates.
Nanono yawawaabiddwa ne Robert Sserunjogi, Teopista Nabukalu ne Godfrey Katumba, era kkooti yaakutuula nga October 15, 2026 lwe basuubirwa okweyanjula beewozeeko. Oludda oluwaabi lusaba Nanono ne banne basindikibwe mu kkomera bamaleyo emyezi mukaaga lwa kutyoboola kkooti era basasule obukadde 500 n’engassi ya kawumbi kalamba.
BYATANDIKA BITYA?
Obutakkaanya bwatandikira ku b’enju y’omugenzi Katende Ssebugulu okuli; Robert Sserunjogi ne Teopista Nabukalu n’ab’oludda lw’omugenzi George Nelson Lusaalidde n’abooluganda lwabwe okuli Kayiwa Sande, Grace Nabukalu, Rogers Kakooza, BK Wava Property Consultants LTD ne Hajj Haruna Kayiwa.
Okusinziira ku biwandiiko bya kkooti mu September wa 2022, omulamuzi wa kkooti Enkulu e Mpigi, Anthony Oyuko Ojok yawa enjuyi zombi omukisa okukkaanya, era ne kikolebwa ng’aba ffamire ya Ssebugulu baaweebwa yiika 50 ku ttaka lino n’ekyapa, ku Block 175 plot 84, era ne bakkaanya nti aba famire ya Ssebugulu baakutwalanga ebitundu 30 ku buli kinaava mu ttaka erisigaddewo olwo ebitundu 70 ku 100 bigende eri BK Wava Property Consulatants Limited, Dr. Wako Mpalampa, Mubarak Kabagambe, Hon Capt. Francis Babu.
Ettaka lino litudde ku block 175 plots 1,2,9,26,27,28,30,33 ne 34 eryakyusibwa ofiisi z’ebyettaka okudda mu mannya gw’omugenzi George Nelson Lusaalidde mu 1932. Ab’oludda lw’omugenzi Lusaalidde ne balandiroodi baalumirizza RDC Nanono okwekobaana n’aba famire ya Ssebugulu ne batyoboola ebyasalibwawo kkooti ng’ono yatuuse n’okulemesa bannamateeka baabwe ne ssentebe wa disitulikiti Kawuki okwogera mu lukiiko.
Avunaanyizibwa ku ttaka ly’omugenzi Ssebugulu (Administrator) Grace Nabukalu ne munnamateeka waabwe munnamagye Lt. Can. Edgar Musaasizi baategeezezezza nti, tebamanyi ku nsonga ya byapa ebyogerwako ku ttaka lino.
Wabula Sserunjogi ne Nabukalu abaali mu ntegeeregana ku nsonga z’ettaka lino beefuulidde abantu mu lukiiko nga bwe batabamanyi kubanga Kayiwa Sande agambibwa okubaguza ettaka muzzukulu ow’omwana omuwala atalina mugabo ku ttaka lino.
Landiroodi Kabagambe yasinzidde mu lukiiko luno n’alumiriza Joseph Lubowa omu ku balina ebibanja ku ttaka lino, okukuma mu bantu omuliro bajeemere ensalawo ya kkooti. Enkaayana ku ttaka lino zirudde nga n’eyali minisita omubeezi ow’eby’ettaka, Dr. Sam Mayanja yaziyingiramu.
Obutakkaanya bwatandikira ku b’enju y’omugenzi Katende Ssebugulu okuli; Robert Sserunjogi ne Teopista Nabukalu n’ab’oludda lw’omugenzi George Nelson Lusaalidde n’abooluganda lwabwe okuli Kayiwa Sande, Grace Nabukalu, Rogers Kakooza, BK Wava Property Consultants LTD ne Hajj Haruna Kayiwa.
Okusinziira ku biwandiiko bya kkooti mu September wa 2022, omulamuzi wa kkooti Enkulu e Mpigi, Anthony Oyuko Ojok yawa enjuyi zombi omukisa okukkaanya, era ne kikolebwa ng’aba ffamire ya Ssebugulu baaweebwa yiika 50 ku ttaka lino n’ekyapa, ku Block 175 plot 84, era ne bakkaanya nti aba famire ya Ssebugulu baakutwalanga ebitundu 30 ku buli kinaava mu ttaka erisigaddewo olwo ebitundu 70 ku 100 bigende eri BK Wava Property Consulatants Limited, Dr. Wako Mpalampa, Mubarak Kabagambe, Hon Capt. Francis Babu.
Ettaka lino litudde ku block 175 plots 1,2,9,26,27,28,30,33 ne 34 eryakyusibwa ofiisi z’ebyettaka okudda mu mannya gw’omugenzi George Nelson Lusaalidde mu 1932. Ab’oludda lw’omugenzi Lusaalidde ne balandiroodi baalumirizza RDC Nanono okwekobaana n’aba famire ya Ssebugulu ne batyoboola ebyasalibwawo kkooti ng’ono yatuuse n’okulemesa bannamateeka baabwe ne ssentebe wa disitulikiti Kawuki okwogera mu lukiiko.
Avunaanyizibwa ku ttaka ly’omugenzi Ssebugulu (Administrator) Grace Nabukalu ne munnamateeka waabwe munnamagye Lt. Can. Edgar Musaasizi baategeezezezza nti, tebamanyi ku nsonga ya byapa ebyogerwako ku ttaka lino.
Wabula Sserunjogi ne Nabukalu abaali mu ntegeeregana ku nsonga z’ettaka lino beefuulidde abantu mu lukiiko nga bwe batabamanyi kubanga Kayiwa Sande agambibwa okubaguza ettaka muzzukulu ow’omwana omuwala atalina mugabo ku ttaka lino.
Landiroodi Kabagambe yasinzidde mu lukiiko luno n’alumiriza Joseph Lubowa omu ku balina ebibanja ku ttaka lino, okukuma mu bantu omuliro bajeemere ensalawo ya kkooti. Enkaayana ku ttaka lino zirudde nga n’eyali minisita omubeezi ow’eby’ettaka, Dr. Sam Mayanja yaziyingiramu.