Amawulire
Mmotoka ebadde eweenyuuka etomedde owasecuriko n'afiirawo e Bukomero!
Omukuumi w'ekitongole ky'obwanannyini, afudde n'omuntu omulala omu, naweebwa ekitanda ng'ali bubi mu kabenje akagudde e Kiboga.
Mmotoka ebadde eweenyuuka etomedde owasecuriko n'afiirawo e Bukomero!
By: Godfrey Kigobero, Journalist @New Vision
Omukuumi w'ekitongole ky'obwanannyini, afudde n'omuntu omulala omu, naweebwa ekitanda ng'ali bubi mu kabenje akagudde e Kiboga.
Akabenje, kabadde Kateera e Bukomero Ku luguudo oluva e Kampala okudda e Hoima, mmotoka ekika kya Toyota Succeed nnamba UA 608DR nga ddereeva waayo adduse, bw'etomedde pikipiki nnamba UFR 426A Bajaj boxer omukuumi abadde agivuga n'afiirawo.
Afudde ategeerekese nga Moses Muhanga 21 owa kkampuni etannamanyika ate omusaabaze gw'abadde aweese n'atwalibwa mu ddwaaliro e Kiboga ng'ali mu mbeera mbi.
Omwogezi wa poliisi mu Wamala, Lameck Kigozi agambye nti ebidduka byombi, bitwaliddwa Ku poliisi e Kiboga nga bayigga ddereeva.