Ggaasi ayabise n'asesebbula bamakanika 2 ababadde bamukozesa okwokya ekyuma ne bafiirawo!
ABANTU 2 bafudde n’abalala basatu ne baweebwa ebitanda nga bali bubi, sirinda ya ggaasi bw’eyabise n’ebasesebbula e Lira.
Ggaasi ayabise n'asesebbula bamakanika 2 ababadde bamukozesa okwokya ekyuma ne bafiirawo!
ABANTU 2 bafudde n’abalala basatu ne baweebwa ebitanda nga bali bubi, sirinda ya ggaasi bw’eyabise n’ebasesebbula e Lira.
Abatuuze nga bakung'aanye okwetegereza bannaabwe abaafudde!
Abafudde, kuliko James Okabo n’omulala ategeerekeseeko erya Daniel kyokka ng’abalumiziddwa, tebannategeerekeka bibakwatako .
Kitegeezeddwa nti ababiri, babadde bakanika pikipiki nga baliko bye bookya, ggaasi n’ayabika n’abattirawo n’abalala basatu ababadde mu katale akaliraanyeewo ne bakosebwa byansusso olw’ebipapajjo okubakuba.
Ppiki gye baabadde bakanika
Omwogezi wa poliisi mu North Kyoga , Patrick Okema , agambye nti waliwo ne ttuleera ebadde esimbye ku mabbali , nnamba UA 732DX nayo eyonoonese.
Emirambo gitwaliddwa mu ggwanika e Lira n’abakoseddwa, nabo batwaliddwa mu ddwaliro ly’erimu okufuna obujjanjabi, ng’okunoonyereza bwe kugenda mu maaso.