Amawulire
Omusajja asse munne ng'amulumiriza okwebaka ne mukazi we n'abasanga lubona
Ettemu libadde ku kyalo Ranch nnumba 1 e Kyankwanzi, omusajja Bosco Nsengiyunvu gy'agambibwa okutta muliraanwa we John Paul amanyiddwa nga Samporo.
Omusajja asse munne ng'amulumiriza okwebaka ne mukazi we n'abasanga lubona
By: Godfrey Kigobero, Journalist @New Vision
Omusajja afumisse munne ebiso n'amutta ng'amulumiriza okumusanga ne mukazi we, nga bali mu kikolwa eky'omukwano.
Ettemu libadde ku kyalo Ranch nnumba 1 e Kyankwanzi, omusajja Bosco Nsengiyunvu gy'agambibwa okutta muliraanwa we John Paul amanyiddwa nga Samporo.
Kigambibwa nti amufumise ebiso ebiwerako mu bulago ng'amulumiriza nti amukutte lubona mu nsiko ng'ali ne mukazi we Venerandi Mukasine.
Bano, bombi Banyarwanda era nga bapakasi ababadde basula mu nnyumba ez’ebibaawo nga zitunuuliraganye.
Omwogezi wa poliisi mu Wamala, Lameck Kigozi , agambye nti bamukutte era omulambo ne gutwalibwa mu ddwaaliro e Ntwetwe ng'okubuuliriza kugenda mu maaso.