Amawulire
Omusomesa omulala agambibwa okusangibwa n'obusasi' bwa PLE asuze Luzira
Peter Okello, 37, omusomesa ku Shilo Nile Star Primary School omutuuze mu zzooni ya Njeru mu distulikiti y'e Buikwe y’asimbiddwa mu maaso g'omulamuzi Edgar Karakire ku kkooti ya Cityhall.
Omusomesa omulala agambibwa okusangibwa n'obusasi' bwa PLE asuze Luzira
By: Racheal Nankya, Journalist @New Vision
OMUSOMESA omulala agambibwa okusangibwa n'ebigezo eby’akamalirizo ebya PLE ebituulibwa abayizi ba P7 asimbiddwa mu kkooti n’asomerwa omusango gwe yeeganye.
Peter Okello, 37, omusomesa ku Shilo Nile Star Primary School omutuuze mu zzooni ya Njeru mu distulikiti y'e Buikwe y’asimbiddwa mu maaso g'omulamuzi Edgar Karakire ku kkooti ya Cityhall.
Okuva Ku Ddyo; Dickson Tugeineyo , Deogracious Opio, Ismail Madete, William Olwa, Bruno Lyazi Ne Nathan Ssebulonde (1)
Okello yeegasse ku bawawaabirwa abalala abagambibwa okusangibwa n'ebigezo bino abali ku limanda e Luzira ku musango gwe gumu okuli Dickson Tugeineyo, Deogracious Opio, Ismail Madete, William Olwa, Bruno Lyazi ne Nathan Ssebulonde amanyiddwa nga Jungle.
Omuwaabi wa gavumenti, Grace Miriam Akite ategeezeza kkooti nti okunoonyereza kukyagenda mu maaso mu musango guno omulamuzi Karakire n’agwongezaayo okutuusa nga November 10, 2026.