Vision Group esiimye abasasi ba Bukedde olw'okusaka emboozi 'kakyusa bulamu'

AVUNAANYIZIBWA ku mbeera z’abakozi mu kkampuni ya Vision Group Gloria Agina Kaitesi asiimye abakozi ba Bukedde olw’omulimu gwe bakola ogw’obunyisa amawulire naddala agakwata ku muntu wa bulijjo.

Kaitesi Ng'akwasa Joseph Kinobe Ebbaasa

Kaitesi asiimye enteekateeka eno era ne yeeyama ku lwa kkampuni okwongera okugiwagira okulaba ng’asaba bongera okusiimibwa.

Ssalongo Kayiira Ng'akwasa Paul Mayinja Ebbaasa

Abasasi abanywedde mu bannaabwe akendo n’emboozi ze bakola byanjuddwa akulira emikutu gya Bukedde Ssaalongo Richard Kayiira ng’ono yategeezezza nga bano be balondeddwa akakiiko kabakugu nga batunuulidde ebintu eby’enjawulo ebyabafudde ab’enjawulo ssaako n’emboozi ze bakola.

Kaitesi Ng'akwasa Madinah Nalwanga Ebbaasa

Engeri abasasi gye basiimiddwa n’emboozi ze bakola.

Omwezi gwa August abasiimiddwa kuliko Joseph Innocent Ssenfuma, Margaret Zalwango ne Abdul Muwonge ng’abakola emboozi ekwata ku musango gw’okutta Susan Magara.

Abalala kuliko Procopios Lumu ne Simon Ssekidde abakola emboozi y’okuliyirira abagenda okukosebwa okuzimba oluguudo lwa Kasanje -Nakawuka abaazimba ennyumba ez’ekimpatiira.

Omulala ye Madinah Nalwanga eyakola emboozi yananyini wa Majanja Tents e Kireka ayamenya ennyumba ya mukyala we.

Joseph Kinone agasakira mu bitundu by’e Mpigi ye yali omusasi w’omwezi gwa August ng’ono yasiimiddwa olw’omulimu gwe yakola mu kukwanganya omukolo gwa Bukedde ffamire ogwali e Buwama (Bukedde Family acativation) ogwaliwo nga August 28,2026.

Akulira emikutu gya Bukedde, Kayiira yagambye nti Kinobe yeenyigira mu nteekateeka zino okuviira ddala ku ntandikwa okutuukira ddala ku nkomerero.

Kaitesi Ng'akwasa Peter Ssuuna Ebbaasa

Emboozi y’omwezi gwa September yakolebwa Nickson Turyahikayo ng’eno yali ekwata ku bakozi ba KCCA abakwasisa amateeka abasolooza abasuubuzi b’oluguudo lwa Ben Kiwanuka mu Kampala.

Abalala ye Sulaiman Mutebi ne Peter Ssuuna abaakola emboozi ekwata ku poliisi obukozesebwa okubba abantu mu Kampala.

Abalala ye Terah Kaaya, Jonan Tusingwire ne Deo Kyaligonza nga bano baakola emboozi y’okuziika Omukama wa Tooro Oyo n’okutuuza Omukama Nyabongo.

JohnBosco Mulyowa ye yalidde mu banne akendo mu mwezi gwa October olw’emboozi y’abantu abaakwatibwa ku by’abayizi b’essomero lya St. Bernard S.S Manya abaafiira mu muliro.

Emboozi endala ye ya DNA y’omuyimbi Kazibwe Kapo ne muwala we eyakolebwa Barbara Nakazinga, Paul Mayinja, Sauyah Nalwadda ne Paul Matovu.

Abalala abasiimiddwa mu ngeri ey’enjawulo ye ttiimu eyali emabega w’emboozi y’omusajja Kamugisha agambibwa okutta abantu mu bitundu eby’enjawulo, abakola emboozi y’okufa kw’omuyimbi Moses Matovu n’obufere bw’ettaka e Kasangati.