Omulamuzi ayongezzaayo ogw'abagambibwa okutta omuzannyi wa Rugby paka December!!

ABAGAMBIBWA okutta omuzannyi w'eggwanga owa Rugby nnakinku Sydney Gongodyo bakyawerenemba n'omusango guno

Omuwaabi wa Gavumenti, Grace Miriam Akite ategeezezza kkooti nti bakyakola okunoonyereza mu musango guno n’asaba babongereyo obudde okutuusa omwezi ogujja nga gutandikka basobole okuleeta abajulizi mu musango guno.

Omulamuzi Karakire omusango agwongezzaayo okutuusa nga December 8, 2026 abawawaabirwa lwe banaddizibwa mu kkooti

Ku bano kwe kuli Obed Mugwisa 39 omutuuze w’e Nakawa eyalabikira ennyo mu katambi ng’akuba Gongodyo ekiti ku mutwe, Monica Athieno 24, ow'e Nakawa, Ellen Mondoni 33, omutuuze w'e Luzira, Joseph Owino 30, Henry Kabugo 21 omuvuzi wa bbooda omutuuze w'e Bukoto, Jethero Murishid Rugaba 33 omutuuze wa Nsimbiziwoome n'abalala abakyanoonyezebwa ku musango guno

Gongodyo okuttibwa abatuuze baamulowooleza okusika akasawo k'omukyala kwe kumukuba bubi nnyo nga bakozesa ebissi omuli; amayinja n'ebiti ekyamuviirako okufa ng’atwalibwa mu ddwaliro e Mulago.

Ono yali muzannyi mu kkiraabu ya Rugby owa Stanbic Black Pirates n’azannyira ne ku ttimu y'eggwanga eya Rugby Cranes.