NaggirinyaBp. Jjumba asiimye amalwaliro agalumirirwa omuntu waabulijjo

OMUSUMBA w’e Ssaza ly’e Masaka, Serverus Jjumba asiimye abaatandikawo eddwaaliro lya Ruth Gaylord e Maganjo kati eryafuuse Gary Holmes Hospital olw’okulitambuliza ku musingi ogufa ku banaku ate n’omulamwa gw’okulyowa emyoyo.

Mu ngeri y’emu yasiimye enkola y’eddwaaliro lino, bwe yatemye evvuunike ly’okuzimba ekifo eky’omulembe abagagga abeeso-bola gye bannajjanjambirwa olwo ensimbi eziwera ezibaggyibwako ate zeeyambisibwe okudduukirira abateesobola abajjanjambirwa mu ddwaaliro lye limu.

Omusumba Jjumba okwogera bino yabadde Maganjo ku Lwomu-kaaga, ku mukolo eddwaaliro lino kwe lyajagulizza emyaka 10 bukya litandikirwawo, era ng’oggyeeko ekitambiro ky’e Mmisa kye yakulembedde ne kkwaaya ne bandi y’essomero lya St. Henry’s College Kitovu gye yavudde nayo e Masaka, yatemye evvuunike ly’ekizimbe eky’emyaliiro esatu ekigenda okujjanjaba abalwadde ab’ebbeeyi oba ky’oyinza okuyita Private oba elite wing.

Yeebazizza Dayirekita w’eddwaaliro lino, Charles Ssekwe Lugemwa olw’okufuna ekiro-woozo ekirungi bw’ekityo ate naaba mwesimbu eri banne baakolagana nabo mu ggwanga ne mu Amerika n’akuza ekintu ekyatandikira mu kirowoozo ne kivaamu omulimu omulungi bwe guti.

Yagambye nti kino kitambulira bulungi mu mpisa essatu ezikuuma Obukristu omuli okukkiriza, okusuubira n’okwagala era waliwo essaala ey’okukkiriza, ey’okusuubira n’eyokwagala era n’agamba nti yeewuunya omuntu avaayo n’ayogera bye yayise eby’ekisiru nti ye talina kukkiriza, so ng’okukkiriza si kintu kye tuyiga obuyizi wabula tuzaalibwa nakyo era ne kituyamba okutuuka ku bintu bingi.“Omwana bw’azaalibwa lina okukkiriza nti nnyini ye nny-ina era y’alina okumukuza era n’akkiriza okumuwulira nti amwag-aliza era ayagala aveemu omuntu ow’omugaso, omwana bw’alemwa okukola ekyo kizibu nnyo oku-vaamu omuntu owoobuvunaany-izibwa.“Munzikirize mu kiseera kino nneebaze omukadde Namwandu Ssekwe (Ow’e Ssunga, Lwankono mu Kyotera) eyakuza Lugemwa ne banne wadde nga bba yabuzi-bwawo nga bakyali bato nnyo, kyokka n’afuba n’abasomesa,” yalina okukkiriza era kwe kumutuu-sizza ku buwanguzi

. Yabeebazizza okussa mu ddwaaliro ekifo ab-alwadde webasobola okusabira ne batawona ndwadde zokka wabula n’okubalyowa emyoyo.Lugemwa agambye nti ekiro-woozo ky’okutandika eddwaaliro yakifuna ne banne nga baa-gala okuyamba omuntu waabulijjo kubanga baakizuula ng’amalwaliro agamu tegaliimu bikozesebwa era galina n’abasawo abatalina bukugu.“Nze kennyini nnakyerabirako omwana wange bwe yakubwa eddagala effu n’afa, olwo nenfuna obumalirivu ne nkwatagana ne mik-wano gyange okuva mu Amerika mu ssaza lya Minnesota okukyusa endowooza eno ne bayamba abantu nga tuyita mu by’obulamu,” Lugemwa bwe yagambye.

Peter Kiggundu akulira eddwaaliro lino agambye nti mu buweereza bwabwe obw’emyaka 10 basobodde okujjanjaba abantu emitwalo 25, baakalongoosa abantu 125 nga bali wamu n’abasawo okuva e Minnesota era mu mwezi gwa April, 2023 bategeseeyo okulongoosa okulala naddala abo abalina aniya wamu n’abalina ebizimba ku bwereere