Rosemary Ssenninde akubirizza Bannayuganda abasasomera ebweru okukomyawo obukugu mu Uganmda

SSAABAKUNZI wa NRM Rosemary Sseninde alaze obw’etaavu obwa bannayuganda abalina amagezi eg’ekikugu okubangulwa mu mawanga g’ebweru n’oluvanyuma byebabeera bayize babyeyambise okukulaakulanya Uganda.

Sseninde okwogera bino abadde yeetabye ku mukolo gw’okuggulawo ofiisi za Sable International e Nakasero nga bano bafunira bannayuganda sikaala wamu n’okuyambako abaagala okusomera mawanga g’ebweru okubanonyeza amatendekero amalungi.

Asabye akulira ekitongole kino mu Uganda Halm Murungi okufuba okulaba nga bannayuganda Abeyuna okusomera mu mawanga g’ebweru tebaboolwa yadde okuyisibwamu amaaso era babayambe okusoma emisomo gy’ekikugu egijja okuyamba Uganda gyebujja.

Minisita omubeezi ow’akanyigo k’e Luwero ne Rwenzori Alice Kaboyo

nga yakiikiridde omumyuka wa katikkiro wa Uganda ow’okusatu Rukia Nakadama eyabadde omugenyi omukulu,  agambye nti bannansi wano bangi abeetaaga okubangulwa mu mawanga g’ebweru mu misono gy’enjawulo wabula nga tebamanyi webatandiikira.

Agambye nti kiba kirungi nnyo ababanguddwa okuleeta byebayize babyeyambise wano.

Halm Murungi owa Sable International agambye nti bbo nga abafunye omukisa okusomera mu mawanga amalala bayize bingi nnyo byebagala n’abalala bagende bayige ku lw’obulungi bw’eggwanga era nga okubawabula ku wa gyebagala okusomera n’emisono gyebagala byabwerere.