TOP

Okufuna mu dduyiro w'okutambula olina kwanguwa

Added 2nd June 2016

OKUTAMBULA dduyiro mulungi. Weekubirize waakiri buli lunaku otambuleyo eddakiika 30

 Abantu abagolola ebinywa.

Abantu abagolola ebinywa.

OKUTAMBULA dduyiro mulungi. Weekubirize waakiri buli lunaku otambuleyo eddakiika 30. Kikuyamba amawuggwe n’omutima okukola obulungi, okugumya amagumba, okwokya amasavu agasusse mu mubiri n’okuwa ebinywa n’omubiri amaanyi ge byetaaga.

Mu ngeri y’emu okutambula kusobola okukuyamba okulwanyisa endwadde z’omutima, ssukaali n’obulwadde obulala.

Dr. Annet Nankwanga omukugu mu by’okujjanjabisa dduyiro ate ng’asomesa mu Makerere yunivasite, agamba nti obutafaanagana n’ebika bya dduyiro ebirala, okutambula kwangu.

“Abantu beegayaaza okukola dduyiro abalala ne beefuula abatalina biseera. Akadde akatono ke bafuna ng’okugenda ku kyemisana ebiri okumpi bavugawo mmotoka.

Dr. Nankwanga agamba nti kino kikyamu kubanga obeera weefi iriza bye wandifunye mu kutambula.

Omuntu nga tabeera wala nnyo yandibadde atambula ng’adda n’awaka. Wadde okutambula kulabika nga okwangu ssinga oba teweetegese n’otambula ekisusse osobola okulwala oluusi n’okufa.

Tambula okusinziira ku ngeri gye weewulira. Ssinga omubiri munafu towaliriza sooka kufuna bujjanjabi bw’omala otambule.

Bw’obeera fi iti osobola okutambula ekiwera ate bw’obeera toli fi iti tambula kitono ogende ng’oyongerako mpola oluvannyuma ng’oteredde.

Olina okulya emmere ekuwa amaanyi ng’akawunga, muwogo, lumonde, ebinjanjaalo, omucceere, ebyennyanja, ebibala, n’endala ate ng’onywa n’amazzi agawera.

Ssinga bikuggwa mu mu mubiri obeera mu buzibu. Okusobola okumalako tandika mpola ng’olinga abugumya omubiri oluvannyuma lw’eddakiika nga 10 yongoza ku sipiidi.

Ssinga otambula mpola okumalako tolina ky’ofunamu wabula okwanguwa kikuyamba okwokya n’okufulumya obutwa.

Twala obudde okuwummuza omubiri ng’omalirizza era golola ebinywa.

More From The Author

Emboozi z’omuwandiisi endala

Emboozi endala

Allan Bukenya ng’alaga ennyama ense.

Kola ebyokulya mu nnyama en...

OSOBOLA okukola ebyokulya eby'enjawulo mu nnyama ense eri ku mutindo n'ogaziya bizinensi y'okuliisa abantu. ...

Emmotoka etadde ebitongole bya Gavumenti mu kaseera akazibu ku ngeri gye yayingira mu ggwanga.

Ebizuuse ku mmotoka ya Bobi...

EMMOTOKA ya Kyagulanyi gye yayanjulidde abawagizi be n'abategeeza nti teyitamu masasi aleese akasattiro mu bitongole...

Akalippagano ku nkulungo y’e Naalya.

▶️ Abakozesa Northern By ...

ABANTU abakozesa oluguudo lwa Northern By Pass balojja akalippagano k'ebidduka akali ku luguudo luno okuva bwe...

Ategeka (mu ssuuti) n’Abakristu b’e Namataba nga balambula omulimu gw’okuzimba Klezia.

Klezia y'e Namataba yaakuma...

ABAKRISTU b'ekisomesa kya St. Charles Lwanga e Namataba - Kirinya mu Divizoni y'e Bweyogerere basabye abazirakisa...

Bamugemereire

Abakulembeze abaalondeddwa ...

BANNABYABUFUZI abaakalondebwa balagiddwa okweteekateeka okwanjula ebyobugagga byabwe ng'etteeka ly'abakulembeze...