TOP

Ab'e Bukomansimbi bali mu katuubagiro k'amazzi

Added 11th March 2019

Enzizi zikalidde e Bukomansimbi abatuuze ne bava ku kunaaba n'okwoza nga n'amazzi bakozesa ga bidiba bya nte

Omwana ng'asena amazzi mu kimu ku bidiba abatuuze b'e Bukomansimbi bye basigazzaawo omuli ku mazzi.

Omwana ng'asena amazzi mu kimu ku bidiba abatuuze b'e Bukomansimbi bye basigazzaawo omuli ku mazzi.

Bya Phiona Nanyomo

Abatuuze mu magombolola okuli Kitanda ne Bigasa mu disitulikiti y'e Bukomansimbi bali mu katuubagiro oluvannyuma lw'enzizi ze babadde bakimako amazzi okukalira nga kati amazzi bagaggya mu bidiba ente mwe zinywa okusobola okufuna ge bakozesa.

 sentebe ateregga ngakebera amazzi amajama abatuuze ge bakozesa Ssentebe Kateregga ng'akebera amazzi amajama abatuuze ge bakozesa.

 

Bano nga bakulembeddwaamu ssentebe w'ekyalo Kikuuta ekisangibwa mu ggombolola y'e Kitanda baalambuza ssentebe wa disitulikiti eno Muhammad Kateregga enzizi kwe babadde basena amazzi nga zonna zaakalira nga mu kiseera kino tebalina we baggya mazzi mayonjo.

Baategeezezza nga enzizi zino bwe zibadde zibayamba nga mu kiseera kino bali mu kusoomoozebwa okw'amaanyi olw'ebbula ly'amazzi amayonjo.

 mutuuze ngalaga ekidiba kye basigazza kwe basena amazzi Omutuuze ng'alaga ekidiba kye basigazza kwe basena amazzi.

 

Bagasseeko nga bwe balina okutambula eng'endo empanvu wakati wa mayiro 3 ne6 okusobola okufuna amazzi amayonjo oba okugula ekidomola ky'amazzi wakati wa 700/- ne 1,000/- kyokka nga bangi ku bo enfuna yaabwe nnafu nga tebasobola kugagula.

Kyokka abamu ku bano baakukkulumidde Gavumenti nga bagamba nti, eringa eyabeerabira neetuuka n'okulemererwa okubasimira nayikondo nga kati eby'okunaaba n'okwoza baabivaako nga balina kumala kulinda nkuba kutonnya.

sentebe ateregga nabatuuze nga balambula ebidiba ebikaze nenziziSsentebe Kateregga n'abatuuze nga balambula ebidiba ebikaze n'enzizi

 

Bano basabye gavumenti n'abakulembeze ba disitulikiti okubakwasizaako nga babasimira enzizi oba nayikondo basobole okuvvuunuka ekizibu kino.

Ssentebe Kateregga yategeezezza nga disitulikiti eno bw'ekyalina okusoomoozebwa kw'ebbula ly'amazzi amayonjo n'agumya abatuuze ng'ensonga eno bw'egenda okugonjoolwa bwatyo n'abasaba okuba abakkakkamu. Ate n'abategeeza nga bwe balina enteekateeka y'okubasomesa engeri y'okukuumamu amazzi amayonjo kibasobozese okulwanyisa ekizibu kino.

 

More From The Author

Emboozi z’omuwandiisi endala

Emboozi endala

Embiranye ku kifo ky'obwap...

OKUNOONYEREZA okukoleddwa Vision Group kuzudde nti okuvuganya mu bitundu bya Uganda kusinga mu Buganda, wakati...

Hosyn Kiiza oluusi eyeeyita Farouk asindikiddwa mu kkomera e Kitalya

Farouk bba wa Julie Underwo...

BBA wa munnakatemba Julie Underwood azannya nga Sharon mu ba Ebonies, Hosyn Kiiza oluusi eyeeyita Farouk asindikiddwa...

Isima Mutagaya

Owa Mobile Money asindikidd...

KKOOTI ya Buganda Road esindise omukozi wa Mobile money mu kkomera e Kitalya nga kigambibwa nti yabba ssente obukadde...

Kasasa

Kkooti egobye okusaba kw'ab...

KKOOTI Enkulu ey’ebyettaka egobye okusaba kw’abaana ba Sekabaka Muteesa mwe babadde baagalira okubakkiriza okujulira...

Pte Asiimwe (ku kkono), Pte Mugabi, 2Lt Kasmula ne 2Lt Ankunda mu kaguli ka kkooti gye baavunaaniddwa n’abaserikale ba poliisi e Makindye.

Boofiisa basimbiddwa mu kko...

BOOFIISA ba poliisi basimbiddwa mu kkooti y’amagye ne bavunaanibwa okusomola ebyama bya Gavumenti ne babigabira...