Mukuru wa PDM ataahiriire disiturikiti ya Kole, yakwata abakozi 4 ba gavumenti

Mukuru wa PDM ataahiriire disiturikiti ya Kole, yakwata abakozi 4 ba gavumenti

N’ebya Patrick Okino

Omuhwezi w’omushuganisa wa puroguraamu eya Parish Development Model (PDM), Joveline Kaliisa ataahiriire disiturikiti ya Kole yaakwata abakozi 4 ba gavumenti ahabw’obutafaayo, obufeere n’obushomankuzi.

Kaliisa aharwakashatu araagiire okukwata orikukurira eby’esente omu disiturikiti, Emmanuel Okao kandi hoona orikukurira PDM orikugambwa kuba akwataanise n’abarikukurira sacco za PDM kuryangataanisa sente za puroguraamu egi.

Abandi abakwatsirwe harimu ow’egomborora ya Alito, Janet Adongo, Okidi Geoffrey owa Okwerodot, orikukurira eby’entunguuka omu tauni kanso ya Alito, Kinyera Boniface na Edward Okwi, Ceeyamaani wa saaco eya ‘Ogwangacuma PDM SACCO’.

Edward Okwi, Ceeyamaani wa 'Ogwangacuma PDM Sacco'

Okwi agarukire yakwatwa bwanyima y’okushanga ngu tiimu ekarundana amasiimu g’abakuru ahakakiiko ka PDM bazikwatsa Okao kandi bakaikiriza ba memba abamwe kutunga sente kandi ekirikuhenda ebiragiro bya PDM.

Okwezi okuhwaire, abakuru mukaaga omu disiturikiti bakakwatwa bwanyima y’okwiriza abantu abatashemereire kutunga sente za PDM omu bushoboobo.

Arikugambaho n’abanyamakuru omu tauni kanso ya Aboke nyomwabazyo, Kaliisa agiizire ngu nibenda kuhurikiiriza abu beihireho amasiimu kumanya ahabw’enki bazitweire.

RDC wa disiturikiti ya Kole, Josephine Omara Olili agiizire ngu nibeija kugumizamu kukwata ab’emiruka n’abamagomborora abareekireho emirimo yaabo kandi bakagumizamu n’okushashuza abantu sente kubaasa kutunga sente za PDM.

#WestUpdates