Omu pooriisi omuri Bushenyi afeereire omuri butandu

AFP .
@New Vision
Oct 16, 2023

Omu pooriisi omuri Bushenyi afeereire omuri butandu

N’ebya Bruno Mugizi

Pooriisi omu disiturikiti ya Bushenyi necura bwanyima y’omwe aharibo kufeera omuri butandu ya piki nyekiro.

Ofiire yamanywa nka PC Vincent Opolot obaire nakoora na pooriisi ey’ahanguuto omuri Bushenyi.

Martial Tumusiime, Omugambirizi wa pooriisi ahabw’ekyanga ekya Bushenyi empango naagira ngu Opolot obaire navuga piki namba UP 6665 Yamaha abaire naruga Bushenyi arikuza Ishaka nikwo kuteera ekiina akagwa ahansi ahari St. Kaggwa ahanguuto eya Bushenyi-Kasese.

Omwe ahari bakareebi yaagira ngu omu pooriisi ogu abaird nagyezaho kuraaba ahari rukurirana ebaire nevuga speed atakateire ekiina.

Ogu airukangiizibwe ah’eirwariro erya KIU omuri Ishaka ahi afeereire nk’ahari shaaha 5 z’ekiro.

Enguuto ya Mbarara-Ishaka etwaire eri omumbeera mbi obwo abantu baingi barikufeera omubutandu.

Okwamukaaga omwaka ogu, abatuura omu tauni ya Bushenyi bebembeirwe Ceeyamaani Jaffari Bassajjabalaba n’ekitongore ekya WACSOF bakagiraho akesharingo ahabw’enguuto mbi.

#WestUpdates

Related Articles

No Comment


(adsbygoogle = window.adsbygoogle || []).push({});