TOP

Balooya bakubye ebituli mu liizi z'e Mmengo

BANNAMATEEKA balaze obulippo abeebibanja bwe balina okwegendereza nga bayingira mu nteekateeka ya liizi Mmengo gye yataddewo ne liizi endala zonna ezigabwa.

 Tulakita abatuuze b’e Bugabo mu ggombolola y’e Kalagala mu disitulikiti y’e Luweero gye baayokezza olw’okubasendera emmere yaabwe .

Tulakita abatuuze b’e Bugabo mu ggombolola y’e Kalagala mu disitulikiti y’e Luweero gye baayokezza olw’okubasendera emmere yaabwe .

Looya Luyimbaazi Nalukoola owa Kkampuni ya Nalukoola, Kakeeto Advocates and Solicitors yagambye nti wadde liizi y’emu ku nkola omuntu gy’afunamu obwannannyini ku ttaka, naye erimu obukwakkulizo obuwerako, oweekibanja bw’alina okulowoozaako.

1 Emyaka egikuweereddwa bwe giggwaako, ekyapa ekyo kiba tekikyalina mugaso era n’obwannannyini bukoma awo; okuggyako ng’ogizzizza buggya ku ntegeeragana empya kubanga ‘oweekibanja’ y’alina okuweebwa omukisa ogusooka.

2 Liizi ng’eweddeko, emiwendo egigerekebwa (Premium) gibeera mirala okusinziira ku mbeera ebeera eriwo n’ebbeeyi y’ettaka mu kitundu.

3 Omuntu ayagala liizi singa alemererwa okusasula omutemwa gwe bamusalidde (Premium ne Ground rent), ekibanja ekyo kisobola okumuggyibwako nga bayise mu mateeka ne kiddira nnannyini ttaka.

4 Nnannyini ttaka asobola okukyusa emiwendo egisasulwa buli mwaka (Ground rent oba busuulu). Kyokka bwe zikulema, osasuzibwa engassi wabula byonna bwe birema liizi esobola okusazibwamu ettaka ne likuggyibwako.

5 Nnannyini ttaka mu kukuwa liizi, olaga by’otegese okukolera ku ttaka eryo era bwe mukkaanya nti ogenda kulirimirako ne wayita ekiseera n’olifuula ekifo awasimba emmotoka (paakingi) asobola okusazaamu liizi n’alikuggyako.

6 Emyaka 49 egya liizi gye baba bakuwadde bwe giggwaako, olwo nnannyini ttaka abeera wa ddembe okweddiza ettaka lye. Embeera eyo ebeera etegeeza nti olina okulivaako era ebiriko obireka okuggyako ebisengulwa ng’ebiggya.

7 Ng’otuuse okutunda ettaka lya liizi, aligula abalirira myaka egyo egisigaddeyo ku liizi; okugeza bwe bakuwa ey’emyaka 49 n’obeerako emyaka 29 n’oyagala otunde; omuwendo gw’otunda gubeera wansi kubanga aligula abeera agula emyaka 20 egisigaddeyo liizi eggweeko.

Male Mabiriizi eyatwala omusango mu kkooti ku nkwata y’ettaka lya Kabaka yagambye nti okukkiriza liizi ya Mmengo kubeera kweyimbamu muguwa kubanga obeera weetongozza ng’omupangisa ku kibanja kyo ne bw’oba wakisikira.

Mabiriizi yagambye nti endagaano ya liizi erimu obukwakkulizo bungi bwe batabuulira bantu so nga bangi tebalina ssente zaakusasula bannamateeka basobole okubataputira.

Steven Ssenkeezi owa Ssenkeezi and Ssali Company Advocates yagambye nti liizi eyamba oweekibanja okumuwa obwannannyini mu myaka egiba gimuweereddwa.

More From The Author

Emboozi z’omuwandiisi endala

Emboozi endala

Poliisi ng’eteeka ekiwuduwudu ky’omulambo gwa Kadiidi (mu katono) ku kabangali yaayo.

Akkakkanye ku jjajjaawe n'a...

Entiisa ebuutikidde abatuuze ku kyalo Rwengwe II ekisangibwa mu ggombolola y’e Kinkyenkye, mu disitulikiti y’e...

Poliisi ekyanoonyereza ku b...

OMWOGEZI w’ekitongole kya poliisi ekinoonyereza ku buzzi bw’emisango, Charles Twine yagambye nti okunoonyereza...

Kenzo ne banne. Mu katono ye Bobi Wine

Kiki ekiri emabega wa Kenzo...

Lubega agamba nti ekintu kya Kenzo kyapangibwa aba People Power okumusosonkereza nga bamujooga aggweemu essuubi...

Kenzo bye yayogedde ku Bobi...

Waliwo ne Bannayuganda abali emitala w’amayanja naddala Dubai abaamusabye aleme kuddamu kulinnya mu nsi zaabwe...

Nnawasa omubanda n'antamya ...

NZE Naboth Nuwagira, 27, mbeera Kitintale. Obulamu bwange bwonna eby’abakyala saabiwanga nnyo budde nga nnoonya...