TOP
  • Home
  • Buganda
  • Katikkiro ayagala Gav't efulumye lipooti ku ttemu eryakolebwa ku mubugirizi wa Kabaka

Katikkiro ayagala Gav't efulumye lipooti ku ttemu eryakolebwa ku mubugirizi wa Kabaka

Added 11th February 2018

MMENGO esabye gavumenti eyongere amaanyi mu kunoonyereza ku bakola ettemu ku bantu ensangi zino ekintu ekikuumidde eggwanga mu kutya era nga kyolekedde okuzingamya enkulakulana.

Minisita w'Amawulire e Mmengo, Noah Kiyimba ng'abuuza ku Musika wa Maliba Mugerwa (mu katono) nga ye Joseph Lukwago. Olumbe lw'omugenzi lwabaddewo nga February 10,2108 ku kyalo Lunene mu ggombolola y'e Mpenja- Gomba. Ku kkono bebakulembeze e Gomba.

Minisita w'Amawulire e Mmengo, Noah Kiyimba ng'abuuza ku Musika wa Maliba Mugerwa (mu katono) nga ye Joseph Lukwago. Olumbe lw'omugenzi lwabaddewo nga February 10,2108 ku kyalo Lunene mu ggombolola y'e Mpenja- Gomba. Ku kkono bebakulembeze e Gomba.

MMENGO esabye gavumenti eyongere amaanyi mu kunoonyereza ku bakola ettemu ku bantu ensangi zino ekintu ekikuumidde eggwanga mu kutya era nga kyolekedde okuzing'amya enkulaakulana.

Bino byabadde mu bubaka Katikkiro Charles Peter  Mayiga bwe yatisse minisita w’ebyamawulire era omwogezi w’Obwakabaka, Noah Kiyimba mu kwabya olumbe lw’omugenzi Godfrey ‘Hassan’ Mugerwa Maliba ku kyalo Lunene mu Muluka gw’e Nkoma e Mpenja- Gomba ku Lwomukaaga February 10, 2018 n'agamba  nti Bannayuganda batambulira mu kutya nga tebamanyi bye bakola.

“Tusaba gavumenti ensonga y’okutta abantu mu ngeri y’ekyeyonoonere ekitwale ng’ekikulu, ekole okunoonyereza okw’ekikugu kituyambe okuzuula abali emabega w’ekittabantu. Okugeza e Lwengo abantu baabalaalikanga misana ttuku ate ne bajja ne mu bitundu ebirala bwe batyo. Kati omwaka guweze bukya munnaffe ono Maliba attibwa naye poliisi tevangayo na kyonna kye yazuula ku kufa kwe era tukyagitunuulidde nkaliriza eveeyo n’ebitutuusa ku ani yamutta,” Kiyimba bwe yatuusizza obubaka bwa Katikkiro.

Mu lumbe luno, Kiyimba mwe yategeerezza abakungubazi nga Kabaka bwe yasiimye okuweerera abaana ba Maliba okuli; Joseph Lukwago (eyamusikidde) ne Sharuwa Namuli okutuusa lwe balifuna ddiguli era abantu ne bakubirizibwa okunyiikira okusomesa abaana nga beeyambisa bbasale Obwakabaka ze bwateekawo.

Maliba eyali omutandisi w’ekibiina ky’abavuzi ba pikipiki eziwerekera Kabaka ekiyitibwa Kabaka Mwenyango yasangibwa ng’attiddwa nga February 4, 2017 ng’omubiri gwe gugudde okuliraana essundiro ly'amafuta erya Kobil ku luguudo lwa Bombo nga tonnatuuka ku bitaala by’e Wandegeya.

Ku lw’ekibiina kya Kabaka Mwenyango, ssentebe omuggya, Ismail Mboggoli yeebazizza Obwakabaka olw’okubakwatizaako mu mbeera ey’okusomoozebwa gye babaddemu n’okubakwatizaako nga bategeka omukolo guno.

Omukolo gwetabiddwaako omwami w’eggombolola y’e Mpenja saako n’omukiise w’e Gomba mu Lukiiko lwa Buganda nga bonna basabye abasigadde nga balabirira abaana okuli Ssenga Sandra Namuddu okubakuliza mu mpisa ennungi.

More From The Author

Emboozi z’omuwandiisi endala

Emboozi endala

Kizza Senninde

Bba wa minisita Rosemary Se...

ZEFANIYA Kizza Senninde nga ye bba wa minisita omubeezi ow'ebyenjgiriza ebisookerwako, Rose Nansubuga Senninde...

Abamu ku baagala okufuna tikiti nga balwanira ku kitebe kya NUP.

Aba Bobi Wine bayomba lwa l...

OLUTALO luzzeemu ku kitebe ky’ekibiina kya Bobi Wine ekya National Unity Platform e Kamwokya nga luva ku lukalala...

Liverpool eyagala Mbappe

OKUZIMBA ttiimu ejojobya Bulaaya, omu- tendesi wa Liverpool, Jurgen Klopp abikwasizza maanyi.

Bashemera n’abaana be. Okuloota ng’ofunye omulimu mu nsi z’ebweru n’ogugaana kitegeeza ki? Nze Gift J e Makerere. Kikulabula obutalowoolereza mu bintu ebiri

Muggya wange yatta bbaffe n...

OKUFA kwa baze kwankuba wala katono ngwe n’eddalu. Abasawo baakola kya maanyi okumbudaabuda n’okunzizaamu essuubi...

Bobi Wine (wakati) lwe yali ne Latif Ssebaggaka (ku kkono) ne Chameleone (ku ddyo).

Kitegeeza ki Latif okuva mu...

LATIF Ssebaggala okuva ku kuvuganya ku kifo kya Loodi Meeya kiddiridde enteeseganya z’abavuganya Gavumenti ne bakkaanya...