TOP
  • Home
  • Buganda
  • Mayiga alabudde abayizi ba Muteesa 1 University ku kwekalakaasa

Mayiga alabudde abayizi ba Muteesa 1 University ku kwekalakaasa

Added 19th March 2018

KATIKKIRO Charles Peter Mayiga alabudde abayizi ba Muteesa I Royal University ku kwekalakasa nti guno muzze gutatanira ddala ekifaananyi ky’ettendekero bw'atyo n'abasaba okuwagira abagikulira mu kiseera kino nga balafubana okulaba nga batereeza okusoomoozebwa okubanyiga.

Bino yabyogeredde ku mukolo  kweyakwasiriddwa emmotoka Nissan UBB 123N ng’ebalirirwamu obukadde obusukka 150 okuva mu Kkampuni y’emmotoka eya Motorcare ng’eno bagiwaddeyo yeyambisibwe abayizi ba Yunivasite eno abakola essomo ly’Obwayinginiya nga gwabadde Bulange- Mmengo ku Lwokutaano March 16, 2018.

“Temwenyigira mu kwekalakasa, ebyo bibi ddala tebirina gyebitwala Yunivasite. Emmotoka eno ebawereddwa yakubayamba kwongera kuyiga, mugyemu yingini n’ebirala mugiyiwe ate mujje nange munvugemu nga mukozesa omukisa gwemulina nti Yunivasite eno yabulwamu Ssekabaka Muteesa I eyali omwagazi w’obumanyi,” Mayiga bweyategezezza neyebaza aba Motorcare olw’okuvaayo okutumbula eby’enjigiriza mu Bwakabaka.

Emyaka ebbiri egiyise emabega abayizi ba Yunivasite eno bazze bekalakasa nga yagalwako mu October 2017 kyokka negulwawo nga December 2017 ng’abayizi naddala abasoma amasomo ga Sayansi naago agetaaga ebikozesebwa bagamba tebabirina. Okuva abakulira ettendekero lino bazze bafuna ebyuma ebikozesebwa naddala mu kitongole kya Yinginiya ekyaali obubi ennyo.

Katikkiro Mayiga yayongedde nategeza  obumanyi bufunibwa mu kutta mikago bwatyo naakubiriza abantu okukolanga emikago n'emikwano egibagasa nga Ssekabaka Muteesa I bweyakola omukago n'abazungu ogwavaamu byonna ebiri Ku mulembe ebirabibwa mu Uganda eyawamu.

Ye akulira Motorcare Uganda, Florence Sempebwa Makada ategezezza nga bwebasazeewo okutta omukago ne Yunivasite eno okuyamba abayizi okufuluma  nga bakuba buddinda sayansi akwata Ku mmotoka kuba  bafuna abayizi bangi abajja okutendekebwa nabo okuva mu matendekero agatali gamu nga batendekeddwa Tekinologiya w’emmotoka mukadde okusinga kwono aliko.

Omumyuka Ow'okubiri Owa Katikkiro wa Buganda era nga ye Minisita w'ebyenjigiriza e Mmengo, Dr. Twaha Kaawaase agambye nti batandise Ku lugendo lw'okunogera ebizibu bya yunivasite eno eddaggala naddala nga bateeka ebikozesebwa mu masomo ga Sayansi ne Tekinologiya.

Omukolo gwetabiddwako, Minisata Omubeezi ow'ebyenjigiriza Dr. Prosperous Nankindu Kavuma, Omumyuka wa Cansala wa Yunivasite eno n'abasomesa be n'abakungu okuva mu Motorcare Uganda era oluvanyuma wabaddewo okussa omukono Ku ndagaano z'omukago ne Katikkiro okukwasibwa emmotoka aba Motorcare gyebatonedde Yunivasite.

More From The Author

Emboozi z’omuwandiisi endala

Emboozi endala

Embiranye ku kifo ky'obwap...

OKUNOONYEREZA okukoleddwa Vision Group kuzudde nti okuvuganya mu bitundu bya Uganda kusinga mu Buganda, wakati...

Hosyn Kiiza oluusi eyeeyita Farouk asindikiddwa mu kkomera e Kitalya

Farouk bba wa Julie Underwo...

BBA wa munnakatemba Julie Underwood azannya nga Sharon mu ba Ebonies, Hosyn Kiiza oluusi eyeeyita Farouk asindikiddwa...

Isima Mutagaya

Owa Mobile Money asindikidd...

KKOOTI ya Buganda Road esindise omukozi wa Mobile money mu kkomera e Kitalya nga kigambibwa nti yabba ssente obukadde...

Kasasa

Kkooti egobye okusaba kw'ab...

KKOOTI Enkulu ey’ebyettaka egobye okusaba kw’abaana ba Sekabaka Muteesa mwe babadde baagalira okubakkiriza okujulira...

Pte Asiimwe (ku kkono), Pte Mugabi, 2Lt Kasmula ne 2Lt Ankunda mu kaguli ka kkooti gye baavunaaniddwa n’abaserikale ba poliisi e Makindye.

Boofiisa basimbiddwa mu kko...

BOOFIISA ba poliisi basimbiddwa mu kkooti y’amagye ne bavunaanibwa okusomola ebyama bya Gavumenti ne babigabira...