TOP

Kabaka awadde Abasiraamu ettaka

Added 30th May 2018

KABAKA mutebi II awadde Abasiraamu ekyapa okuzimbako omuzikiti n’okukolerako emirimu gy’enkulaakulana okuli amasomero, amalwaliro n’emirala ng’ettaka lidda mu kifo ky’eryo eryaliko omuzikiti mu Lubiri e Mmengo.

Katikkiro Mayiga (ku kkono, Omulangira Nakibinge (wakati) ne Supreme Mufti Ndirangwa.

Katikkiro Mayiga (ku kkono, Omulangira Nakibinge (wakati) ne Supreme Mufti Ndirangwa.

Ettaka lino lisangibwa ku bbuloka 495 poloti 9 Buswa- Ssisa- Busiro nga liwerako yiika ttaano. Ekyapa kino Katikkiro Charles Peter Mayiga yakikwasiza Jjajja w’Obusiraamu mu Uganda, Omulangira Kassim Nakibinge.

“ Emabegako awo mwawulira ensonga z’Omuzikiti mu Lubiri e Mmengo. Sirowooza nti waliwo Omusiraamu ataaziwulirako. Omulangira Nakibinge n’abakulembeze b’Obusiraamu tubadde tuwuliziganya bulungi ku nsonga eyo era byonna bye tubadde twogeraganya mbadde mbyanjula ewa Ssaabasajja Kabaka. Bwatyo nno Ssaabasajja yasiima okufunira

Abasiraamu ettaka eddene obulungi basobole okuzimbako omuzikiti n’ebyokwekulaakulanya ng’amasomero n’amalwaliro. Olwaleero nnina essanyu okukwasa Omulangira Kassim Nakibinge ekyapa ky’ettaka Ssabasajja kye yasiima okuwa

Abasiraamu olw’ensonga eyo,” Mayiga bwe yalambuludde okusiima kwa Kabaka.

Omuzikiti guno gwali mu Lubiri e Mmengo, gugambibwa okumenyebwa okuva mu Lubiri e Mmengo ku ntandikwa ya 2013 era Abasiraamu bangi bakissa ku Mayiga ebiseera ebyo eyali Minisita w’ebyamawulire e Mmengo okuba mu kkobaane ly’okuggyamu omuzikiti guno.

Bino byabadde Bulange - Mmengo ku Lwokutaano May 26, 2018 ku mukolo Obwakabaka kwe bwasiibululidde Abasiramu mu kiseera kino eky’ekisiibo kyabwe nga guno gwabadde mulundi gwa kutaano ng’ekikolwa kino kikolebwa.

Nakibinge ye yabadde Omugenyi omukulu ku mukolo guno era mu kwogera kwe yasambazze ebyogerwa abantu nti Kibuli ne Mmengo tebikwatagana wabula n’akiggumiza nti ye tasobola kubeera ‘mujinga’ bwatyo kubanga enjawukana bw’ebeerawo ekirya omu ate bwe kimumala kidda ku mulala.

“ Waaliwo ebigambo bingi ku nsonga y’Omuzikiti guno naye twatuula emyaka ena egiyise ne tukkiriziganya era Mmengo y’ebadde etubanja nti ‘ewandiise ekyapa kino mu mannya ki?’ Twali tumanyi nti ensonga z’Obusiraamu eziri mu mikono gya Gavumenti ziritereera wabula ne kirwawo.

Ekirala, twalwawo kubanga ensonga eno yakwata ku biwayi by’Abasiraamu byonna ne kiba nti bwe tugamba nti tubiteeke mu kiwayi ekimu, ate ekirala kijja kuwulira bubi,” Omulangira Nakibinge bwe yannyonnyodde.

Nakibinge yategeezezza nti bakiriziganyizza okuteeka ekyapa kino mu linnya Uganda Young Muslim Men Association era bwatyo naye yakikwasizza Ssentebe w’ekibiina kino.

More From The Author

Emboozi z’omuwandiisi endala

Emboozi endala

Ssaabasumba Lwanga (owookubiri ku ddyo) n'abakulu abalala mu Klezia nga baziika Fr. Lumanyika e Lubaga.

Bannayuganda mukolerere emi...

SSAABASUMBA w'Essaza ekkulu erya Kampala, Dr. Cyprian Kizito Lwanga asabye Bannayuganda okukolerera emirembe n’awa...

Balooya ba Ssewanyana nga balina bye bamwebuuzaako.

Omubaka Ssewanyana ne banne...

Omubaka wa Makindye West, Allan Ssewanyana eyasindikibwa mu kkomera e Kitalya wiiki ewedde n'abawagizi be  kyaddaaki...

Nabbi Omukazi ayagala ABS ...

MARGIE Kayima (Nabbi Omukazi) ayagala aba ABS TV bamusasule obukadde 700 lwa kukozesa eddoboozi lye mu kalango...

Mugagga ng'alaga ezimu ku nte eziri ku ffaamu ye.

ETTAKA ERIRIMU AMAZZI G'ENS...

MAUREEN Mugagga agamba nti yafuna ettaka okuli ensulo z'amazzi agakulukuta agafuuse ensulo y'obugagga kubanga gamusobozesa...

Minisita w'ebyenguudo Gen. Katumba Wamala ng'atongoza ebyuma ebikola enguudo e Masaka.

'Alina pulaani ku nguudo gw...

OKWETEGEKERA akalulu ka 2021, Vision Group etwala ne Bukedde ekoze okunoonyereza n'ezuula ebizibu ebiruma abantu...