TOP
  • Home
  • Buganda
  • Tugenda kutandika ekisaakaate ky'abantu abakulu - Naabagereka

Tugenda kutandika ekisaakaate ky'abantu abakulu - Naabagereka

Added 9th March 2019

NNAabagereka Sylvia Nagginda asuubizza okutandika ekisaakaate ky’abantu abakulu mu matendekero aga waggulu okusobola okuzzaawo obuntubulamu obugenze bubaggwaamu. Yabadde ku mukolo gw’okutikkira abayizi abaasobye mu 3,000 ku Kampala University e Gaba.

 Nabagereka ( ku kkono), Polof. Kagonyera ne Polof. Badru Kateregga ku mukolo.

Nabagereka ( ku kkono), Polof. Kagonyera ne Polof. Badru Kateregga ku mukolo.

Nnaabagereka yagambye nti ensangi zino abantu abayivu bangi baweddemu obuntubulamu n'okubulwa empisa ez'omu bantu n'agamba nti basaba ekisaakaate kibabangule.

"Okubeera omuyivu kirungi era kikulu, naye n'okubeera n'empisa ez'omu bantu kya makulu nnyo ensangi zino noolwekyo nkizudde ng'abantu baffe bangi beetaaga ekisaakaate basobole okubangulwa mu nsonga ezitali zimu," Nabagereka bwe yategeezezza.

Yagambye nti ekisaakaate tekigenda kusosola mu mawanga wabula kigenda kubeera kya buli muntu ayagala okubangulwa.

Ku ludda lw'abaatikkiddwa omwabadde abaafunye diguli esooka, eyookubiri ne dipulooma, Nnaabagereka yabakuutidde okufaayo okussa mu nkola ebibasomeseddwa basobole okutumbula eggwanga lyabwe.

Yasabye Gavumenti okuyamba ku matendekero g'obwannannyini ge yayogeddeko ng'agakoze omulimu omulungi eri abaana b'eggwanga era agasaana okukwatirwako mu byensimbi n'okugawa ettaka kwe gasobola okuzimba amatendekero amalala.

Akulira Yunivasite eno, Polof. Mondo Kagonyera yagambye nti aliwo abayizi bangi abagenda mu matendekero aga waggulu kyokka ne bavaayo nga tebalina kye bayizeeyo olw'okugulirira ebibuuzo.

"Abayizi bangi ensangi zino bafaayo nnyo okufuna obubonero obutali bwabwe okusinga okussaayo omwoyo kw'ebyo ebibasomesebwa bafune obwabwe obutuufu," Kagonyera bwe yagambye.

Polof. Ssaalongo Badru Kateregga omutandisi era omumyuka w'akulira Yunivasite eno yeebazizza Nnaabagereka olw'enteekateeka y'okutandika ekisaakaate ky'abakulu n'amusaba kitandikire ku Yunivasite ye era ne yeeyama okuyamba okulaba nga kitambula bulungi.

Kateregga yategeezezza nti gano ge matikira gaabwe ag'omulundi ogwe 16 ne yeebaza Katonda olw'obusobozi bw'abawadde okukuuma omutindo gwa Yunivasite n'okugigaziya.

Kateregga yagambye nti abayizi abaatikiddwa baabadde 3,352. Okusinziira ku Kateregga, abayizi 2,017 kw'abo abaatikiddwa babadde balenzi, ate abawala nga bali 1,335.

Nga bavudde mu Uganda, Tanzania, Kenya, Rwanda, Somalia, South Sudan n'awalala.

Ku bayizi ba Rwanda abataasobodde kubaawo olw'ensalo ezaggalwa, Kateregga yagambye nti tekyabalobedde kutikkirwa kubanga baabadde baateekeddwa dda mu katabo k'abalina okufuna diguli zaabwe ne dipulooma omwaka guno.

More From The Author

Emboozi z’omuwandiisi endala

Emboozi endala

Mabiriizi ng'ali mu kkooti.

Ssaabalamuzi Owinyi Dollo a...

MUNNAMATEEKA Hassan Male Mabiriizi asitaanidde mu kkooti ey’oku ntikko ng’agezaako okukkirizisa Ssaabalamuzi Alfonse...

Abamu ku bakulira amasomero g'obwannannyini nga bava mu lukiiko.

Abakulira amasomero g'obwan...

ABAKULIRA amassomero g’obwannannyini bapondoose ne bakkiriziganya ne Gavumenti okuggulawo amasomero gaabwe n’okutandika...

Abakristu nga basaba RDC Jjemba ennamba y'essimu ye oluvannyuma lwa Mmisa e Nangabo.

Amyuka RDC w'e Kasangati ag...

Bya Moses Nyanzi  OMUMYUKA wa RDC w'e Kasangati, Nansana ne Makindye Ssaabagabo, Moses Jjemba  agumizza abatuuze...

Abamu ku bantu abaliko obulemu ne bulangiti ze baafunye.

Abakulembeze b'abaliko obul...

Omumbejja Mazzi, yategeezezza nga mu Wakiso bwe balina ekizibu ky'abantu abeerimbika mu baliko obulemu ng’ebintu...

Ronald Balimwezo Mmeeya w'e Nakawa ng'ayogera eri bakkansala b'e Nakawa mu lukiiko lwa kanso. Ku kkono ye Sipiika Moses Mubiru ate ku ddyo ye Town Clerk, Denis Omodi.

Balaajanidde Gavt ku nkaaya...

'Ensonga ey'ensalo beetaaga okugikolako mu bwangu okusobola okugonjoola obuzibu bw’entalo zino kubanga kino kizibu...