TOP
  • Home
  • Buganda
  • Katikkiro akubirizza Bannamawokota ku by'enjigiriza

Katikkiro akubirizza Bannamawokota ku by'enjigiriza

Added 13th October 2019

KATIKKIRO Charles Peter Mayiga agambye nti ebyenjigiriza ensangi zino byetaaga okutumbula ebitone by'abaana, okubateekamu okwekkiririzaamu wamu n'obuntubulamu olwo eggwanga lwe linaatuuka ku nkulaakulana ey'omuggundu.

Bino abyogeredde Lungala - Mpigi mu ssaza ly'e Mawokota bw'abadde akuliddemu emikolo gy'okujjaguza emyaka 10 egya Pride College School bukya litandikibwawo naagamba nti eby'enjigiriza gwe mubumbulano ogutambuza eggwanga.

Mayiga asinzidde wano nayongera okuwa abantu amagezi bulijjo okubeeranga abamalirivu okutandika ebintu bwatyo naasinzira wano neyebaza bonna abatadde ekiragiro Kabaka kyeyawa emyaka 20 egiyise mu nkola bweyalagira abantu be okutandika okuzimba amasomero okutumbula eby'enjigiriza.

Omukolo guno gwasoose n'okusaba okwakulembeddwamu Rev. Fr. Kizito Ssebunya ng'ono yasabidde n'abayizi abagenda okukola ebigezo ebyamalirizo n'abayizi nti essaala zabawadde nkulu wabula si zakubagada singa tebasoma bitabo.

Francisco Ssemwanga nga ye Dayirekita w'essomero lino yawadde basomesa banne amagezi nti nabo basobola emirimu gy'enkulakulana gyebatandika era naasaba abakozi ku mitwndera gyonna okukola obutawera okutuukiriza obuvunanyizibwa obubaweereddwa.

Akola nga omwami w'essaza ly'e Mawokota, Kayima Kabonge yategeezezza Katikkiro nti abazadde batandise okutegeera obukulu bw'ebyenjigiriza era n'asaba amasomero okwongera okudduukirira ensawo ya Kabaka ey'ebyenjigiriza nga bagaba bbasale.

Omukolo gwetabiddwaako baminisita okuli; Omumyuka ow'okubiri owa Katikkiro era omuwanika wa Buganda Waggwa Nsibirwa, David Kyewalabye Male n'abakungu abenjawulo okuva e Mmengo okuli Ronald Kawaddwa.

alt=''

 

 

More From The Author

Emboozi z’omuwandiisi endala

Emboozi endala

Embeera y'amasiro nga bwegali mu kiseera kino

Omuwanika wa Buganda Waggwa...

OMUMYUKA ow’okubiri owa Katikkiro era Omuwanika wa Buganda,Robert Waggwa Nsibirwa bwe yabadde asoma embalirira...

Abakozi abakolera mu Owino balaajanidde Gavumenti ku mmaali yaabwe

Abakolera mu Owino balaajan...

ABASUUBUZI abakolera mu katale ka St.Balikudembe balaze obutali bumativu olw'abeebyokwerinda okubagaana okutaasa...

Eyafumitiddwa ebiso nga bw'afaanana

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Nnamwandu Sarah Nassiwa ng'akungubagira bba

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Ronald Kyobe ng'alaga emmwanyi ze. Ebifaananyi bya Ssennabulya Baagalayina

Abalimi b'emmwanyi e Lwaben...

ABALIMI b'emmwanyi mu ggombolola y'e Lwabenge e Kalungu kwe basinzidde okusaba Gavumenti nti tekoma kubakunga wazira...