TOP

Balumbye munnaabwe abalemesezza okutunda ettaka

Added 20th March 2013

ABATUUZE ku kyalo Kyamugasha mu ggombolola y’e Rugando beekyaye ne bakkakkana ku bintu bya bannaabwe ne babisaanyaawo nga babateebereza okutta eyatemuddwa mu bukambwe.



Bya  Ali  Wasswa 

ABATUUZE ku kyalo  Kyamugasha  mu ggombolola y’e Rugando beekyaye ne bakkakkana ku bintu bya bannaabwe ne babisaanyaawo nga babateebereza okutta eyatemuddwa mu bukambwe. 

Omugenzi  Yona Kurubakanya  abadde abeera ku kyalo kino yalumbiddwa abantu abaabadde babagalidde amajambiya n’emiggo mu ssaawa z’amalya g’ekyemisana  ku Lwokutaano wiiki ewedde ne bamusala ng’embuzi ne bamutta.

Wabula n’abooluganda abaabadde bazze okuziika beesasuzza ku be bateebereza okutta omuntu waabwe  ne balumba amaka gaabwe ne bagasaanyaawo n’okusaawa ensuku n’okutema ebisolo byabwe. Poliisi yatuuse n’ekuba amasasi mu bbanga okubagumbulula wabula ng’ebintu ebisinga bisaanyeewo. 

Omwogezi wa Poliisi  mu bitundu bya Ankole, Polly Namaye yategeezezza nti baakakwata abantu musanvu mu bulumbaganyi buno ng’abalala banoonyezebwa.

Namaye yategeezezza  nti  n’abaatwalidde amateeka mu ngalo okutta Kurubakanya abamu babakutte. 

Akulira ebyokwerinda mu Ggombolola y’e Rugando, Alex  Kawuki yategeezezza nti obulumbaganyi buno kyaddiridde abataka okwekolamu omulimu nga n’omugenzi kwali ne bagula ettaka balikolereko ebintu by’okwekulaakulanya wabula ate ne baagala balitunde bagabane ssente ekintu Karubakanya kye yagaana ng’era ensonga zino zaatuuka n’ewa RDC, Clement Kandole n’ayita Ssentebe w’ekyalo,  Matayo Tumushabe n’agaana.

Okuva olwo abamu ku banne babadde bamwewerera okumutuusaako obulabe okubalemesa okutunda ettaka. Kawuki yategeezezza nti olwamaze okumutta ne bookya n’enju ye n’esaanawo. Mukyala w’omugenzi,   Enid Kurubakanya yategeezezza nti bba baamulanze lwa bintu ebibadde bibakwasa ensaalwa. Yasabye Gavumenti ebadduukirire kuba tebakyalina kantu.

Balumbye munnaabwe abalemesezza okutunda ettaka

More From The Author

Emboozi z’omuwandiisi endala

Emboozi endala

Omugenzi Sserwadda

Taata wa kazannyirizi Maria...

Abakungubazi beeyiye mu bungi mu maka ga Ssentebe waabwe Benard Sserwadda Mpokota ng'ono ye taata wa Comedian MC...

Omugenzi Kaggwa

Kitalo! Munnamawulire Kavum...

Kitalo! Munnamawulire Kavuma Kaggwa afudde Omutaka w'e Kyaggwe Joseph Mukuba Kavuma Kaggwa afudde olwaleero...

Omuserikale atwala Kakooza okulinnya Kabangali.

Poliisi ekutte bana ababba ...

POLIISI ya CPS mu Kampala ekutte abavubuka abeenyigira mu kusala ensawo n’okubba abantu n’ebaggalira oluvannyuma...

Kamulegeya (ku kkono) n'omugenzi Kayongo.

ENSONGA 10 EZIGOBYE NDIRANG...

Supreme Mufuti, Sheikh  Ndirangwa yalekulidde nga kigambibwa nti e Kibuli waliyo obutakkaanya mu bukulu. Tukuleetedde...

Omusumba Serverus Jjumba.

Abasumba bavumiridde ebikol...

ABASUMBA okuli ow’essaza ly’e Masaka n’Omulabirizi wa West Buganda bavuddeyo ne bavumirira ebikolwa eby’okutyoboola...