TOP

Akwatiddwa lwa kutta baana be 2

Added 2nd March 2016

POLIISI e Iganga ekutte omusajja ow’emyaka 45, nga kigambibwa nti yateeredde abaana be babiri obutwa mu buugi obwabasse.

 Batwawula

Batwawula

POLIISI e Iganga ekutte omusajja ow’emyaka 45, nga kigambibwa nti yateeredde abaana be babiri obutwa mu buugi obwabasse.

David Batwawula ow’e Kasozi, Mukutu mu disitulikiti y’e Iganga kigambibwa nti okuva mu mbeera, mukyala we omuto yamaze kumunobako.

Abaana abaafudde ye Bosco Bawulira 7 ne Dorah Nalubanga 5 ng’obuugi yabubawadde kawugeenzi ku Mmande.

Ssentebe w’ekyalo Asadi Musulo, yagambye nti mukyala wa Batwawula abadde akyali omugole Zakiya Mutesi yanobye wiiki bbiri emabega ng’agamba nti tasobola kubeera na musajja anywa omwenge buli kiseera ate nga tasobola kuggula bintu bikozesebwa mu maka.

Musulo yagambye nti Batwawula yawalirizza abaana okunywa obuugi kyokka mutabani we omukulu Moses Bikumbi yagaanyi n’adduka n’ategeeza abatuuze nga kitaabwe bwe yabadde awadde baganda be obutwa mu buugi.

Abatuuze baasitukiddemu ne bagenda awaka ne basanga nga Batwawula amaze okuwa abaana be obutwa nga bombi bafudde.

Akulira bambega ku poliisi e Iganga, Nnaalongo Sophie Naboth yategeezezza nti Batwawula yakkirizza mu buwandiike nga bwe yasse abaana be nga yakikoze olw’obusungu oluvannyuma lwa mukyala we omugole okunoba ate ne bamugamba nti yafumbiddwa omusajja omulala ekyamuggye mu mbeera n’asalawo okuwa abaana obutwa.

More From The Author

Emboozi z’omuwandiisi endala

Emboozi endala

Omusajja yansuulawo ng'omwa...

Nze Scovia Twetise 28, mbeera Bulamu-Gazaya, Texas. Mu 2005, nalina emyaka 15 omusajja yantuukirira n’ahhamba nti...

Eyagenda okusoma ddiguli e ...

Talina mpapula kw’akolera era agamba tasobola kudda kubanga bw’adda taddayo

Abatudde okuva ku kkono; Godfrey Nyola, Saul Kizito, Isaac Ngobya ne Pasita Paul Musisi ate abayimiridde okuva ku kkono; Kennedy Lubogo, Edward Baguma, Jimmy Ssekandi

Aba 'Former Footballers In...

Abaaguzannyako abaabaddewo kuliko; Saul Kizito (Nile FC), Isaac Ngobya (Bell), aba Express okuli Kennedy Lubogo,...

Kamaanyi eyatolosa Ssekabak...

Dan Kamaanyi, eyatolosa ssekabaka Muteesa II ekibabu kya Milton Obote eyalumba olubiri mu 1966 ng'ayagala okumutta,...

Muyigire ku bajulizi abakki...

MUK'OMULABIRIZI wa West Buganda Can.Elizabeth Julia Tamale y'ayigirizza mu kusaba okw'okujjukira abajulizi ba...