TOP
  • Home
  • Bugwanjuba
  • Poliisi yeezoobye ne Besigye ne Lukwago e Kabale: Mmotoka ya Besigye bagyasizza endabirwamu

Poliisi yeezoobye ne Besigye ne Lukwago e Kabale: Mmotoka ya Besigye bagyasizza endabirwamu

Added 19th April 2016

POLIISI yezoobye ne Dr. Kizza Besigye ne Loodi Meeya Erias Lukwago oluvannyuma lw’omusango gwabwe okwongezebwayo okutuuka nga June 6,2016.

 Mmotoka ya Besigye gye baayasizza endabirwamu

Mmotoka ya Besigye gye baayasizza endabirwamu

POLIISI yezoobye ne Dr. Kizza Besigye ne Loodi Meeya Erias Lukwago oluvannyuma lw’omusango gwabwe okwongezebwayo okutuuka nga June 6,2016.

Kkooti ebadde yaakaabuka nga bakutte n'eridda e Kampala, babadde batuuka e Butobere ne basalwako mmotoka za poliisi ssatu okuli vvaani nnamba UP 4860.

Oluvannyuma ereese ekimmotoka kyayo n'ekulula mmotoka mwebabadde batambulira nga bayisiddwa mu nsozi eziri mu bitundu by’e  Kangondo mu kitundu ky’e  Rukiga wakati mu nnamutikwa w’enkuba bakira afuddemba.

Bakunguziddwa okuyita e Rwemucucu, tawuni y’e Muhanga ne batuusibwa ku luguudo oluva e Kabale-Mbarara kyokka bwe batuuse e Muhanga mmotoka ya poliis ennawunyi ebadde ebakulembedde yeezoobye n’aba Bodaboda ababadde babagoberera nga bwe bawanika obugalo bubiri mu bbanga. Abamu kigambibwa bakubiddwa ne kibooko.

We ziweredde ssaawa 10:00 ez'olweggulo nga batuusiddwa ku poliisi mu kibuga ky’e Ntungamo balindirira ekisaliddwawo abakuumaddembe.

Ku makya, poliisi yasoose kwezooba n’abawagizi ba Dr. Besigye mu kibuga Mbarara nga bano baakanyugidde mmotoka za poliisi bbiri amayinja okukkakkana nga baasiiza  endabirwamu wamu n’okulumya omuserikale.

Mu kwanukula poliisi yakutte abantu basatu ng’ebavunana okwenyigira mu buvuyo obwabaddewo e Mbarara mu kiseera Besigye ne banne bwebabadde bayimiriddeko mu kibuga ky’e Mbarara okufuna eky’enkya.

Abalala ababadde ne Besigye kwabaddeko Ingrid Turinawe, Mubarak Munyagwa ne Imam Makumbi ng’ono y'atwala DP mu Buvanjuba bwa Uganda kyokka bano kyababuuseeko okutuuka mu kkooti ne balindisibwa kyokka oluvannyuma omulamuzi Lafeal Duweni n'akubiriza kkooti ne bategeezebwa nti omusango tegusobola kugenda mu maaso kubanga omulamuzi, Agatonica Mbabazi, owa kkooti enkulu e Kabale era ali mu mitambo gy’omusango guno ogw’okukuma mu bantu omuliro oguvunanibwa, Dr. Besigye, ali mu luwummula bwegutyo ne gwongezebwayo!

Lukwago mu kwogerako ne bannamawulire avumiridde ekikola kya kkooti okubamalira ebiseera ne batuuka okutindigga olw’e Kabale kyokka nga bamanyidde ddala nti omulamuzi taliiwo.

Ye Dr. Besigye yagambye nti “ Ebikolwa bya poliisi biragira ddala nti si nneetegefu kulaba Bannayuganda nga boolesa ebirowoozo byabwe n’obuwagizi bwabwe eri bannabyabufuzi ku ludda oluvuganya gavumenti”.

Dr. Besigye abadde akyaggaliddwa mu kaduukkulu ka poliisi e Ntungamo.

More From The Author

Emboozi z’omuwandiisi endala

Emboozi endala

Aboobuyinza nga bakunya omukazi.

Abatunda eddagala nga tebal...

Ekitongole ekivunaanyizibwa ku ddagala mu ggwanga ekya National Drug Authority kikoze eki kwekweto mu Buvanjuba...

Minisita Betty Amongi

Abasuubuzi be Nakasero bawa...

ABASUUBUZI ababadde baddukanya akatale k'e Nakasero bavudde mu mbeera ne bawa minisita wa Kampala n'ekitongole...

Nsereko Mutumba

Hajji Mutumba alabudde abak...

ABADDE omwogezi w'ekitebe ky'Obusiraamu e Kampalamukadde ekya Uganda Muslim Supreme Council Hajji Nsereko Mutumba...

Abatuuze nga bali mu kkooti e Nabweru.

Abakolera ku ttaka lya Gavu...

OMULAMUZI ow'eddaala erisooka ku kkooti y'e Nabweru, Ssanyu Nalwanga Mukasa akkirizza abantu 17, abaakwatibwa ku...

Most Venerable Bhante Buddharakkhita (Kaboggoza mu byambalo ebiwanvu) ng’ ayimiridde n’abatuuze wamu n’abakulembeze .

Bannabayabufuzi mutuyambe t...

ABATUUZE b'e Ntebe mu butundu by'e Nakiwogo, Lugonjo balaajanidde Pulezidenti Museveni n'abazirakisa okubayamba...