TOP

‘Essigiri ze nkola mu ttaka ze zinnyimirizzaawo’

Added 13th April 2011

Mukyala Teopista Najjemba ow’e Kyampisi mu muluka gw’e Bukolooto e kayunga ssente azikola mu kubumbira bantu ssigiri z’akola mu ttaka n’essubi, era anyumya bw’addukanya omulimu gwe.

Okuva lwe nnafuna omusomo ne njiga okukola ssigiri nga nneeyambisa olumbugu n’ettaka ly’ekis

Mukyala Teopista Najjemba ow’e Kyampisi mu muluka gw’e Bukolooto e kayunga ssente azikola mu kubumbira bantu ssigiri z’akola mu ttaka n’essubi, era anyumya bw’addukanya omulimu gwe.

Okuva lwe nnafuna omusomo ne njiga okukola ssigiri nga nneeyambisa olumbugu n’ettaka ly’ekiswa si kyakaaba bwavu. Omusomo guno gwatuweebwa Abazungu ab’ekibiina kya Caritas abaava mu Austria. Baatusomesa engeri y’okwekulaakulanya nga tukozesa ebintu ebitwetoolodde.
Okukola ssigiri zino tekuliimu buzibu ye nsonga lwaki nze bwe nazitandika sadda mabega.
Engeri y’okubumba essigiri

Ofuna olumbugu n’olutemaatema  n‘ogattamu ettaka ly’ekiswa n’oyiwamu amazzi ag’ekigero olwo n’olisamba okutuusa lwe liggya.
Bw’oba ogenda kukola ssigiri emu ennene opima ettaka ly’ekiswa ebbenseni bbiri n’ebbaafu z’olumbugu lw’omaze okutemaatema bbiri oyongere okusamba ettaka.

Nga liyidde, ddira ekkutiya ogyalirire wansi awatereevu obulungi otandike okubumba ssigiri yo ng’otandikira ku ntobo. Bw’otuuka w’olina okuleka ekituli awayisibwa enku era awayita empewo oteekawo ebigogo bikuyambe obutabikkawo.

Genda ng’obumba mpolampola n’obwegendereza okutuusa lw’omaliriza. Funa akaseffuliya okusinziira ku bunene bwa ssigiri bw’oyagala okatuuze wakati nga kalimu amazzi kakuyambe okulekawo ekituli ekyemalirira wakati omuyinza okugenda Amanda oba ne sseffuliya yo okusobola okutuulako obulungi. Akaseffuliya kano kaba kalina okubaamu amazzi.

Bw’omaliriza okubumba akaseffuliya n’ekigogo biggyeemu n’obwegendereza bireme kukwatiramu.
Ssigiri eno ogibumbira mu kasana kyokka olumaliriza ng’ogibikkako esigaze ebbugumu eriyingira ettono okwewala okwatika omusana.
Kikutwalira ebbanga lya wiiki emu olwo n’ogiggyamu n’ogissa mu kifo ky’oyagala okufumbiramu.

Ssigiri zino nzifunyemu era zimbeezezzaawo. Ssigiri esookerwako obutono ngitunda wakati wa 50,000/-ne 80,000/-, ate esinga obunene ngitunda 100,000/-.

Nsobola okugikolera ewange ne ngireeta oba okugikolera mu makaago.  Ekirungi kyazo ziwangaala ate zikekkereza enku.
      
Ssigiri zino natandka okuzibumba mu mwaka gwa 2009 era kati nsobodde okukozesa ensimbi zenzifunamu ne nneegulira ebisolo omuli embizzi n’ente bye nnunda okwongereza ku nfuna yange era kati nabyo binnyambako okuweerera abaana bange ate n’abo abaana b’abaalibalirwana baffe abaafa ne babaleka nga tebaliiko buyambi basatu kati bendi nabo era basoma.
      
Nsobola okwetusaako ebyetago ebyange nga omuntu ate n’amaka gaage okukaklasa nti abantu bange babeera bulungi.

BYA VIOLET NAAVA 
    Â

‘Essigiri ze nkola mu ttaka ze zinnyimirizzaawo’

More From The Author

Emboozi z’omuwandiisi endala

Emboozi endala

Embiranye ku kifo ky'obwap...

OKUNOONYEREZA okukoleddwa Vision Group kuzudde nti okuvuganya mu bitundu bya Uganda kusinga mu Buganda, wakati...

Hosyn Kiiza oluusi eyeeyita Farouk asindikiddwa mu kkomera e Kitalya

Farouk bba wa Julie Underwo...

BBA wa munnakatemba Julie Underwood azannya nga Sharon mu ba Ebonies, Hosyn Kiiza oluusi eyeeyita Farouk asindikiddwa...

Isima Mutagaya

Owa Mobile Money asindikidd...

KKOOTI ya Buganda Road esindise omukozi wa Mobile money mu kkomera e Kitalya nga kigambibwa nti yabba ssente obukadde...

Kasasa

Kkooti egobye okusaba kw'ab...

KKOOTI Enkulu ey’ebyettaka egobye okusaba kw’abaana ba Sekabaka Muteesa mwe babadde baagalira okubakkiriza okujulira...

Pte Asiimwe (ku kkono), Pte Mugabi, 2Lt Kasmula ne 2Lt Ankunda mu kaguli ka kkooti gye baavunaaniddwa n’abaserikale ba poliisi e Makindye.

Boofiisa basimbiddwa mu kko...

BOOFIISA ba poliisi basimbiddwa mu kkooti y’amagye ne bavunaanibwa okusomola ebyama bya Gavumenti ne babigabira...