TOP

Kasana Luweero batongozza omwaka gw'okukkiriza mu Klezia

Added 4th November 2012

ABAKATOLIKI mu ssaza lya Kasana Luweero batongozza ‘Omwaka gw'okukkiriza’ ku mukolo ogusombodde abakkiriza okuva mu bitundu eby'enjawulo mu ssaza lino.

Bya ALI KIZZA  

Omusumba Paul Semwogerere ow’e ssaza lya Kasana Luweero ng’ali mu kitambiro kya Mmisa ku mukolo gw’okutongoza Omwaka gw’Okukkiriza ku Klezia e  Kapeeka.  

ABAKATOLIKI mu ssaza lya Kasana Luweero batongozza ‘Omwaka gw'okukkiriza’ ku mukolo ogusombodde abakkiriza okuva mu bitundu eby'enjawulo mu ssaza lino.

Omukolo gw'okutongoza omwaka guno gwatandise n'olusirika lw'abakulu oluvannyuma ne wabaawo okusimba ennyiriri okwatandikidde ku ssomero lya Standard High School e Kapeeka ne kukomekkerezebwa ku Klezia ya Kapeeka emikolo we gyategekeddwa. 

Abakristu nga bakutte emisubbaawa egyakoleezeddwa okulaga ekitangaala ekipya

Omusumba w'essaza lya Kasana Luwero Bp. Paul Semwogerere ye yakulidde okutongoza omwaka gw'okukkiriza. Yasinzidde mu kitambiro kya Mmisa n’ategeeza nti, “Omwaka guno gwalangirirwa Paapa Benedicto oluvannyuma lw'okusisinkana abasumba ab'enjawulo.

Paapa yalangirira ‘Omwaka gw'Okukkiriza’ nga gwatandika nga October  11, omwaka guno era nga gwakuggwa nga Novemmber 24,  2013.”

Omusumba Ssemwogerere yagambye nti, ekigendererwa ky'Omwaka gw'Okukkiriza kya kuzza buggya nkolagana n'okukkiriza kw'Abakristu. Yayongeddeko nti mu mwaka guno Abakatoliki basaanidde okusoma n'okusomesa bayibuli buli lunaku naddala mu bibinja, okufuba okuyingiza abantu abalala Obukristu nga batambuza enjiri n'okuva ku bintu ebirala byonna wabula basinze Yezu buli kadde era wagenda kubaawo n'okufuna  amasakalamentu buli lunaku.

Bannaddiini nga bakutte  amasala oluvannyuma lw’okutongoza Omwaka gw’Okukkiriza.

Abakatoliki abeetabye ku mukolo bonna baawereddwa emisubbaawa egyakoleezeddwa ne giwanikibwa ne wabaawo okusaba okw’enjawulo ng'akabonero akalaga omwaka omupya ogutandise. Waabaddewo okusembera oluvannyuma Abkristu  ne bagabulwa ekijjulo.

Amasaza 17 agasangibwa mu Kapeeka gonna gaakiikiriddwa ku mukolo guno ogwetaabiddwaako ne bafaaza abaavudde mu mawanga  nga Kenya ne Yitale. 

Kasana Luweero batongozza omwaka gw’okukkiriza mu Klezia

More From The Author

Emboozi z’omuwandiisi endala

Emboozi endala

Ssaabasumba Kizito Lwanga (ku ddyo) Omusumba Kakooza ne Ssekamanya ( ku kkono) nga baganzika ekimuli ku kifaananyi  ky'omugenzi mu Lutikko e Lubaga.

Paapa akungubagidde Omusumb...

PAAPA Francis akungubagidde Bishop John Baptist Kaggwa n'amwogerako nga munnaddiini abadde tasangika. Paapa yagambye...

Tumukunde (ku ddyo) ng’agezaako okuyita ku baserikale. Oluvannyuma baamugaAnye okweyongerayo ewa Kyagulanyi.

Tumukunde bamugobye ewa Bob...

EGGULO ku Lwokutaano, Omubaka Robert Kyagulanyi Sentamu yabadde ategese okwogera eri eggwanga. Naye ng'ebyo tebinnabaawo,...

Titus Ssematimba eyateebedde Buddu (mu ddyo) ng’atwala omupiira ku muzannyi wa Bulemeezi.

Abaamasaza batolotoomye lwa...

Fayinolo y'Amasaza Gomba - Buddu Egyazannyiddwa ku semi; Busiro 0(4)-0(5) Gomba Bulemeezi 0-1 Buddu OBWAKABAKA...

Bobosi omuzannyi w'omupiira.

'Kye kiseera okwesiga Bobos...

"EKYASINZE okunsanyusa kwe kulaba nga mutabani wange Bobosi Byaruhanga ali ku katebe ka ttiimu y'eggwanga ey'abakulu....

Omusumba Joseph Tumusiime owa The heaven's gate Church of All Nations

Wuuno nnabbi eyalagula Trum...

Omusumba owa The heaven's gate Church of All Nationa avuddeyo n'akakasa okulagula kwe ku eyabadde omukulembeze...