Abakatoliki ku kigo kya Yuda Tadeo bajjukidde emirimu gya Ssaabasumba Kizito Lwanga

NGA wasigadde ennaku mbale okutuuka ku lunaku lw’Abajulizi, olubaawo nga June 3, Abakatoliki ku kigo kya Yuda Tadeo e Wakiso bajjukidde emirimu omugenzi Ssaabasumba Cyprian Kizito Lwanga gye yakola okukulaakulanya ekiggwa ky’e Namugongo.

Fr. Joseph Mukasa Muwonge nga y’akulira okutembeeza abajulizi mu nsi yonna, bwe yabade akulembeddemu Mmisa, yababuulidde embeera abajulizi gye baayitamu gye yagambye nti teyali nnyangu n’asaba abantu okwetegekera olunaku luno nga batandika n’okusoma Novena.

Fr. Richard Nyombi, akulira ekibiina ky’abaminsani mu Uganda, yategeezezza nti balina okugenda mu maaso n’ettaala Ssaabasumba Lwanga gye yaleka.