TOP
  • Home
  • Abanoonya
  • Abanoonya mwegendereze abasajja abalina emize gino

Abanoonya mwegendereze abasajja abalina emize gino

By Musasi wa Bukedde

Added 29th January 2019

OMUKWANO gwa leero guyingiddemu obufere obw'ekika ekya waggulu. Abantu bangi batandika omukwano n'ekigendererwa ky'okubaako ebintu ebikalu oba ensimbi ze bafuna ku abo be baganza.

Blackcouplefirstdatee1464780566169 703x422

Wabula ebiseera ebisinga abasajja bangi ab'ekika kino bajjira mu kifaananyi ekisiige omuzigo ekibeerera ekizibu omukazi okumanya ekigendererwa kyabwe ekituufu. Wammanga bwe bumu ku bubonero bw'omusajja omufere.

1 Basuubiza kyokka tebatuukiriza Omusajja omufere akwata kisooka mu kusuubiza kyokka eky'okutuukiriza ne kimulema. Basuubiza bingi ng'obugulu bw'eggongolo omuli; okweyanjula ewaabwe, embaga n'ebirala ne balowoozesa omukazi nti atuuse ku musajja omutuufu.

2 Beewola nnyo Oluvannyuma lw'ekiseera kitono, omusajja alaga munne nga bw'alina 'ddiiru' efuna ekiralu eyeetaaga ssente okutambula. Wano omukazi omwangu w'aliira ebbanja lya bbanka oba okuziggya ku mulimu gwe n'aziwa omusajja. Omusajja oluzikwatako mu ttaano, taddamu kulabika.

3 Tebalaga bantu baabwe Omusajja omufere si kyangu kubaako muntu we naddala owooluganda gw'alaga mukazi. Buli mukazi lw'amusaba okumulaga abamu ku bantu be awoza jjo jjuuzi.Omusajja ow'ekika kino ayinza okumala n'omuwala ebyeya kyokka nga ye yekka gw'amanyi.

4 Beesoma Omusajja omufere ky'atayinza kwerabira kwe kwekuutula akadingidi. Yeesoma nga bw'alina ensimbi n'ebyobugagga ebingi. Bamanyi n'okweyita abaana b'abanene.

5 Tebalina ke bavaako Omusajja omufere ayinza okumala ne munne ebbanga kyokka nga talina ky'avaako. Ab'ekika kino be boogerako ng'abasiibuza 'kkaba'. Lw'aba yeevuddemu ajja na kaveera akalimu omugaati, kkiro ya ssukaali ne kkiro y'ennyama. Bino olubituusa n'azimba n'akamala ate n'amala wiiki endala bbiri nga tazzeemu kubigula.

6 Baagala nnyo obulamu obw'ebbeeyi Omusajja omufere kw'omulabira kwe kweteeka mu bulamu obw'ebbeeyi. Bamanyi n'okupangisa mmotoka alowoozese omukazi gw'akwanye nti muloodi. Kuno kwe bagatta okukwata essimu ez'ebbeeyi, okukozesa obuwoowo obutali bwa bulijjo nga n'engoye ze bambala zibafuula ab'ebbeeyi.

More From The Author

Emboozi z’omuwandiisi endala

Emboozi endala

Melon1 220x290

Weyune enkola ya kontulakiti ofunemu...

OKUKOLA kontulakiti n’omuguzi y’emu ku ngeri omulimi n’omulunzi mw’asobola okuyita okufuna akatale k’ebintu bye...

Remagrad2 220x290

Rema alangiridde bw’addayo ku yunivasite...

REMA Namakula alangiridde nga bw’agenda okuddayo ku yunivasite e Kyambogo amalirize diguli ye omwaka guno oluvannyuma...

Kadodi 220x290

Emmotoka esse 8 abazina akadodi...

ABANTU 8 ababadde bazina akadodi bafiiridde mu kabenje n’abalala ne bagenda n’ebisago ttakisi bwe yabasaabadde...

Annotation20200120121207 220x290

Omuko yeetonze ku by’okufa kw’omwana...

“NSABA famire ya mukyala wange Nansubuga ne bannayuganda mwenna munsonyiwe olwa mukoddomi wange John William Bomboka...

Bugingo703422 220x290

Bugingo ayanukudde abamulumba ku...

PAASITA Bugingo ow’ekkanisa ya House of Prayer Ministries ayambalidde bannadiini abavuddeyo okuvumiriira ensomesa...