TOP
  • Home
  • Amawulire
  • Okulonda kw'e Kenya kukalubizza entambula y’ebyamaguzi bya Uganda

Okulonda kw'e Kenya kukalubizza entambula y’ebyamaguzi bya Uganda

By Musasi Wa

Added 3rd March 2013

ABASUUBUZI Bannayuganda beemulugunya olw’olugendo oluwanvu lwe balina okukozesa okuyingiza ebyamaguzi mu ggwanga ng’obuzibu buva ku kulonda okw’enkya mu Kenya.

2013 3largeimg203 mar 2013 105917807 703x422

Bya ANTHONY SSEMPEREZA

ABASUUBUZI Bannayuganda beemulugunya olw’olugendo oluwanvu lwe balina okukozesa okuyingiza ebyamaguzi mu ggwanga ng’obuzibu buva ku kulonda okw’enkya mu Kenya.

Bangi ku basuubuzi bakozesa omwalo gw’e Mombasa okutikkula ebyamaguzi bino olwo ne kibanguyira okubireeta wano ku ssente ensaamusaamu naye kati balina kukozesa Dar- es Salam mu Tanzania nga kino kyongedde ku nsimbi ze bafulumya okubitambuza ekintu ekibakaluubiridde.

Omwogezi w’ekibiina ekigatta abasuubuzi mu Kampala Isa Ssekito, agamba: Okwewala embeera y’obunkenke e Kenya ebintu kati tubiyisa ku mwalo gwe Dar es -salaam, Mwanza, Tabora, Luzira oba okuva e Dar es- Salaam okutuuka e Mutukula.

Obuzibu obukiriko okuyisa ebyamaguzi ku mwalo guno olugendo luwanvu naye kino kireme kweyinuza basuubuzi kutandika kuseera bintu kubanga ensimbi ezeeyongeramu si nnyingi nnyo.

Ekkubo lino eriyita e Tanzania abasuubuzi bangi tebalijjumbidde ng’ate lisobola okubayamba mu kiseera nga kino nga Kenya bw’emaliriza okulonda.

Bannayuganda abakolera mu ggwanga lya Kenya tebandyongedde kusuubula byamaguzi, kujjuza sitooka zaabwe okutuusa ng’okulonda kuwedde.

Abasuubuzi abamu bongezza bbeeyi y’ebintu omuli ssukaali n’amafuta ky’agamba nti kino kikyamu kubanga abamu baagala okuliira mu kavuyo ate abalala beekwasa lugendo lwa Tanzania nti lubawaliriza okwongeza emiwendo.

Akulira abavuga ebimotoka ebitambuza ebyamaguzi, Charles Sserwadda agamba: Mmotoka ezisinga zibadde zisaze mu Kenya nga mu kino bangi batidde ekyagwawo mu 2007 mmotoka bwe zaayokebwa mu bwegugungo okuddamu okubatuukako.

Mmmotoka nnyingi baazookya mu bwediimo bwa 2007 n’okutuusa kati tebannasasulwa.

Ekirala, gavumenti tevuddeeyo kuyamba basuubuzi baffe, naddala abaayonoonerwa ebintu byabwe ku mulundi guli ate era tevuddeeyo kubasomesa, n’okubagumya ku mbeera y’ebyokwerinda singa obuzibu bubalukawo mu kulonda.

Ssekitto ayongerako nti, “Bannayuganda abakolera mu Kenya tebandyongedde kusuubula byamaguzi, kujjuza sitooka zaabwe okutuusa ng’okulonda kuwedde.

Abasuubuzi abamu boongeza bbeeyi y’ebintu omuli ssukaali n’amafuta ky’agamba nti kino kikyamu kubanga abamu baagala okulira mu kavuyo ate abalala beekwasa lugendo lwa Tanzania nti lubawaliriza okwongeza emiwendo”.

Okulonda kw''e Kenya kukalubizza entambula y’ebyamaguzi bya Uganda

More From The Author

Emboozi z’omuwandiisi endala

Emboozi endala

Laga 220x290

Aba NRM ababeera mu mawanga g'ebweru...

SSABAWANDIISI wa NRM Kasule Lumumba asabye Bannayuganda abali mu mawanga g’ebweru okukomya okusiiga ensi yabwe...

Pata 220x290

Babakutte balimira mu kibira ky’e...

OMULAMUZI akulira kkooti ento e Masaka, Deogratious Ssejjemba yeesitudde n’agenda e Kasanje mu ggombolola y’e Kyesiiga...

Mate 220x290

Babakutte balimira mu kibira ky’e...

POLIISI y’e Mpigi ngeri wamu n’abakulira ekitongole ky’eby’ebibira mu ggwanga ekya National Forest Authority (NFA)...

Gano 220x290

Omugagga asenze ebintu bya Klezia...

KLEZIA n’abatuuze abalina ebibanja ku kyalo Nkakwa mu ggombolola y’e Ssi - Bukunja mu disitulikiti y’e Buikwe,...

Wanga 220x290

Obwaddereeva buliko emyaka gy’otolina...

OLUVANNYUMA lw’Omulangira Phillip bba wa Kwiini wa Bungereza, Elizabeth okufuna akabenje ng’avuga mmotoka ku myaka...