TOP

Mbega alumirizza Putin okutega bbomu eyatta 224 mu nnyonyi

By Musasi wa Bukedde

Added 27th December 2015

Eyali mbega ow’oku ntikko mu Russia, Maj. Boris Karpichkov, awawaazizza ensi bw’alumirizza Pulezidenti wa Russia, Vladimir Putin, okutirimbula bannansi be 224 mu nnyonyi e Misiri

Putin1 703x422

Eyali mbega ow’oku ntikko mu Russia, Maj. Boris Karpichkov, awawaazizza ensi bw’alumirizza Pulezidenti wa Russia, Vladimir Putin, okutirimbula bannansi be 224 mu nnyonyi e Misiri gye buvuddeko ng’ekigendererwa kufuna busaasizi mu bantu abaali bamukyaye olw’okulumbagana Ukraine.

Kyategeezeddwa era nti Putin yettira abantu be bano ng’amanyi nti bannalukalala ba ISIS bajja kwanguwa okwewaana nga bwe baakoze ettemu, Russia efunireko obusaasizi mu mawanga gakirimaanyi n’okugikkiriza okulumba Syria ataase Pulezidenti Bashaar al-Assad nga yeekwese mu kukuba abatujju “abaakuba ennyonyi ya Russia” mu Misiri..

Nga August 31 2015, abalambuzi 217 nga bonna nzaalwa z’e Russia, n’abakozi 7 baafiira mu nnyonyi (Metrojet Flight 9268) mu pulovinsi y’e Sinai mu kyondo kya Buwalabu, bwe yali edda mu St Petersburg mu Russia.

Amangu ddala, bannalukalala aba ISIS, abalwanyisa gavumenti ya Pulezidenti Al-Assad e Syria, beewaana nga bwe baakoze ettemu lino era Putin n’awera mu bwangu nga Russia bw’erina okusaanyaawo abatujju bano olw’obulumbaganyi bwe ‘baakola’ ku nsi ye.

Wadde ng’abakugu baakuba ebituli mu kwewaana kwa bannalukalala abaagamba nti ennyonnyi baagikubya kikompola kubanga abakessi ba Amerika ne Russia baali bamaze okuzuula nga waliwo bbomu eyali etegebwa mu nnyonyi eyatulika n’etta abantu abo.

Wabula ku Ssekukkulu, Maj. Boris Karpichkov, eyali akolera mu kitongole kya bambega ba Russia ekya KGB kati ekiyitibwa FSB, yasinzidde e London ekya Bungereza n’ategeeza nti olukwe lw’ettemu lino lwalukibwa Putin yennyini era ebigendererwa bye byonna ne bituukirira.

More From The Author

Emboozi z’omuwandiisi endala

Emboozi endala

Isco 220x290

Isco agenda ku 'kiso'

Abakungu ba Real Madrid baategeezezza nti abasawo beekebezze Isco, ne basanga ng'alina okulongoosebwa mu bwangu...

Mic3webuse1 220x290

Bayiiyizza sigiri eneetaasa obutonde...

Obutonde bw'ensi busaanyiziddwaawo abantu mu kwokya amanda, okutema enku n'ebirala ng'obwetaavu bw'okuyiiya ebintu...

Butwa2 220x290

Babateze obutwa mu busera, omu...

EKIKANGABWA kigudde ku kyalo Katuulo mu ggombolola y'e Kyazanga mu disitulikiti y'e Lwengo omuntu atanamanyika...

Nakiwala 220x290

Nakiwala avuddeyo ku mwana omubaka...

Minisita Nakiwala Kiyingi waakukaka omubaka Onyango okulabirira omwana gwe yasuulawo.

Kambale1 220x290

KCCA etandika ne Soana, Villa ne...

Okusinziira ku nsengeka ya liigi eno eyafulumiziddwa Bernard Bainamani agikulira eggulo, bakyamipiyoni ba sizoni...