TOP

Ng’enda kumalawo ebizibu by’ettaka e Bunyoro - Museveni

By Musasi wa Bukedde

Added 28th January 2016

Ng’enda kumalawo ebizibu by’ettaka e Bunyoro - Museveni

Bu2 703x422

Museveni ng’akuba kampeyini e Kiziranfumbi mu muluka gw’e Bulimya mu ggombolola y’e Kiziranfumbi, Buhanguzi County mu disitulikiti y’e Hoima.

PULEZIDENTI Yoweri Museveni asuubizza okukola ku bizibu bya Bunyoro naddala ekizibu ky’ebyettaka, okubazimbira amalwaliro, amasomero n’enguudo mu kitundu.

Museveni anaatera okufundikira ekitundu kya Bunyoro ng’awenja obululu, yatalaaze disitulikiti ye Kibaale gye yakubye enkuhhaana bbiri okuli; Bungangaizi West ne Kigorobya n’oluvannyuma n’akuba olukuhhaana olunene mu munisipaali ye Hoima.

Yategeezezza nga bw’amanyi ebizibu bya Bunyoro obulungi naddala ekizibu ky’ettaka lye yagambye nti kyaleetebwa Bazungu. Yagambye nti tayinza kwerabira kitundu kino, kuba Omukama Kabalega yakola kinene mu kulwanirira obwetwaze bwa Uganda.

Yasuubizza nti mu kisanja ekiddako essira agenda kuliteeka ku kukola enguudo, okuzimba amasomero, amalwaliro n’okusitula ebyenfuna by’abantu nga bongera ku nnyingiza yaabwe mu maka. Katikkiro w’Obukama bwa Bunyoro, Norman Rukumu yagambye nti ekizibu ekisinga okubanyiga kwe kubeera ng’ettaka lyabwe teririna byapa.

Yagambye nti Abazungu abafuzi b’amatwale be baatandika okubakotoggera bwe bataabawa byapa ku ttaka lyabwe.

Yagambye nti ekyewuunyisa n’ettaka mu masaza agamu nga Bunyoro ne Bungagayizi agaali gazaaye, ebyapa era byasigalira Baganda abaagenda nabyo.

Enguudo eziwerako yalaze nga bwe zigenda okukukolebwa. Olwaleero ku Lwokuna, Museveni lw’atandika okutalaaga ekitundu kya Buganda, kyokka ng’atandika n’olukuhhaana e Hoima mu ssaza lye Bugahya, n’oluvannyuma agende e Ntwetwe mu disitulikiti ye Kyankwanzi gy’anaava okudda e Kiboga. Enkya ku Lwokutaano Museveni agenda kutalaaga disitulikiti y’e Mityana.

Eno agenda kukubayo enkuhhaana nnya ng’atandikira Busujju, Mityana North, Mityana South ne Mityana Munisipaali.

More From The Author

Emboozi z’omuwandiisi endala

Emboozi endala

Nicho 220x290

Amagye gasazeeko ffaamu ya taata...

AMAGYE ne poliisi basazeeko ffaamu ya taata wa Bobi Wine omugenzi Wellington Jackson Ssentamu e Gomba.

Sevo 220x290

Museveni ayongedde ggiya mu kulwanyisa...

PULEZIDENTI MUSEVENI ayongedde ggiya mu kulwanyisa abali b’enguzi era n’awa amagezi abawa abantu emirimu mu bitongole...

Ppp2 220x290

Abantu 20 be bafa obulwadde bw'akafuba...

Bebe Cool akoowoodde Bannayuganda okumwegattako mu kulwanyisa obulwadde bw’akafuba emu ku ndwadde zi nnamutta mu...

Ucumussanyu9214 220x290

UCU Lady Canons ewangudde n'edda...

JKL Dolphins yeetaaga kuwangula nzannya bbiri ku UCU Lady Canons okusitukira mu kikopo kya sizoni eno.

Hat12 220x290

Bebe Cool atongozezza Kampeyini...

Bebe Cool atongozezza Kampeyini y'okulwanyisa TB oluvannyuma lw'okusaka ensimbi ezikunukkiriza obuwumbi bubiri...