TOP

Omuzzukulu atemye jjajjaawe lwa kibanja

By Musasi wa Bukedde

Added 16th May 2016

OMUVUBUKA alumbye jjajjaawe ow’emyaka 80, n’amutemaatema ng’amulanga okugaana okumuwa ebiwandiiko by’ekibanja kye yamusaba ng’ate kw’alimira.

Pala 703x422

Nakafeero ng’ali ku kitanda .

OMUVUBUKA alumbye jjajjaawe ow’emyaka 80, n’amutemaatema ng’amulanga okugaana okumuwa ebiwandiiko by’ekibanja kye yamusaba ng’ate kw’alimira.

Abatuuze nabo bamuzingizza ne bamutema okugulu kyokka poliisi yayanguye okutuuka n’emutaasa nga tebannamumizza musu.

Fred Ssentume, 19, ye yatemye jjajjaawe Maria Nakafeero,80, ow’e Buwere mu ggombolola y’e Buwama e Mpigi ng’entabwe yavudde ku kumusaba kibanja n’agaana okukimuwa ng’ate abantu abadde abalaga nti kikye.

Nakafeero yakubye enduulu ng’omuvubuka amutema era abatuuze baayanguye okutuuka. Bwe yabalabye n’agezaako okudduka kyokka ne bamugoba okutuusa bwe baamukutte.

Abatuuze baatandise okukuba Ssentume era bwe baalabye Nakafeero ng’avaamu omusaayi mungi nabo kwe kuggyaayo ebijambiya ne batandika okumutema.

Omu ku batuuze yagambye nti Ssentume baabadde baakamutema okugulu poliisi eyayitiddwa okutwala Nakafeero mu ddwaaliro n’etuuka era ye yamutaasizza.

Ssentume yagambye nti ekibanja ky’akaayanira jjajjaawe yali yakiwa kitaawe Gligory Ssentamu era bwe yafa n’akimulekera.

N’agamba nti jjajjaawe aludde ng’amusaba ebiwandiiko ebimukakasa nga nnannyini kyokka n’agaana okubimuwa nga kye kyamuggye mu mbeera n’amutema.

Wabula abatuuze bagamba nti Ssentume akozesa nnyo ebiragalalagala nga birabika bye byamuwaze okutema jjajjaawe.

Baagambye nti tebamwagala ku kyalo kyabwe era ateekeddwa okubaviira ku kyalo kuba tebasobola kubeera na mutemu.

Nakafeero yagambye nti ye yakuza Ssentume okuva nga muwere nga kitaawe afudde kyokka okuva lwe yamuwa ku kibanja n’azimbako akayumba yatabuka nga buli olukya abuuza olunaku lwendifa.

“Alabika bw’alabye siffa kwe kusalawo okuntema asigaze ekibanja kuba kye kumuli obubi, “ Nalafeero bwe yagambye.

More From The Author

Emboozi z’omuwandiisi endala

Emboozi endala

Nwagi 220x290

Amazina n’ennyambala bizaalidde...

Amazina n’ennyambala Winnie Nwagi bye yayolesezza mu ndongo y'abayizi bimuzaalidde akabasa. Yeetondedde abazadde...

Kaputeeniwacranesonyangongaatonerakatikkiroomujoozigweyazannyiddemumuafcon1webuse 220x290

Abalina ebitone mukozese omukisa...

Abazannyi abalina kye mwekoledde muyambe ne bannammwe okwekulaakulanya nga bwe muteeka Uganda ku maapu

Naabagerekangaasomesaabaanamukisakaatewebuse 220x290

Abazade baakusomesebwa engeri y'okuyamba...

Okutendeka omwana mu Kisaakaate ate n'adda eka ng'abazadde tebamanyi ngeri ya kubalambikamu kubeera nga kwoza n'oyanika...

Yawenemunnengabakongolaenkoko1webuse 220x290

Mu kusala enkoko mwe ntandise bizinensi...

Emirimu gye nayitanga egy'abacaafu n'abataasoma mwe nfunye ssente ezinnyambye okutandika bizinensi endala n'okwetuusaako...

Annotation20190722173519 220x290

Banjoman muto wa Bobi Wine alina...

Banjoman muto wa Bobi Wine alina ke yeekoleddewo