TOP
  • Home
  • Ageggwanga
  • Abajulizi be bafuula Uganda okuba ey’enjawulo - Paapa

Abajulizi be bafuula Uganda okuba ey’enjawulo - Paapa

By Musasi wa Bukedde

Added 3rd June 2016

OMWAKA mulamba bukya Paapa Francis akyala e Namugongo wabula Uganda teyinza kumuva ku mutima olw’ekkula ly’Abajulizi abaagifuula ensi ey’enjawulo.

Kiri1 703x422

Paapa Francis ng’afukamidde ku kiggwa ky’Abajulizi e Nakiyanja ng’abasabira.

OMWAKA mulamba bukya Paapa Francis akyala e Namugongo wabula Uganda teyinza kumuva ku mutima olw’ekkula ly’Abajulizi abaagifuula ensi ey’enjawulo.

Nga yaakamaliriza obugenyi bwe yatandikira e Kenya n’adda mu Uganda nga November 27, 2015 olwo n’awunzikira mu Central African Republic, Paapa yayogerako ne bannamawulire era yamala ekiseera ng’ayogera ku Uganda n’enjawulo gy’erina ku mawanga amalala.

Bwe baamubuuza by’alabye mu mawanga asatu, Paapa yayanukula bw’ati: Mu nsi essatu, bannyanirizza nnyo era baabadde n’essanyu eriviira ddala ku ntobo y’emitima gyabwe era nakakasizza nti balina ekifo kya njawulo mu kwaniriza abagenyi.

Buli nsi erina by’eyawukanya ku ndala; Kenya eri wagguluko mu nkulaakulana. Uganda erina ekkula ly’Abajulizi: Bannayuganda Abakatoliki n’Abapolotesitante bonna wamu bassa nnyo ekitiibwa mu Bajulizi.

Nagenze ku biggwa byombi era nasookedde ku ky’Abapolotesitante oluvannyuma ne ηηenda ku ky’Abakatoliki era okujjukira Abajulizi kye kimu ku bifuula Bannayuganda ab’enjawulo. Obuvumu omuntu bw’aba nabwo okutuuka okuwaayo obulamu bwe ng’alwanirira ensonga entuufu gy’akkiririzaamu tulina okukitenda n’okukibakoppako.

Ate Central African Republic bayaayaanira mirembe, okutabagana n’okusonyiwagana bafuuke basseruganda wadde nga balina enzikiriza ez’enjawulo.”

Paapa yagamba nti ekimu ku birina okulowoozebwako mwe muli enjawulo ennene wakati w’abagagga n’abaavu mu mawanga ga Afrika omuli n’ebigambibwa nti ebyobugagga 80 ku 100 biri mu mikono gy’abagagga ate ng’abagagga abo bali 17 ku buli 100 bokka.

Yayongerako nti okuggyako ng’ekyo kikyuse, kaweefube w’okukyusa embeera z’abantu n’okulwanyisa obwavu tasobola kutambula bulungi.

Yakubiriza amawanga ga Afrika okussa ekitiibwa mu ddembe ly’obuntu, eddembe lya bannamawulire basobole okwanika abali b’enguzi n’abakozesa obubi ofi isi okunyigiriza abantu n’okumenya amateeka.

Yagattako nti amawulire nago galina okutwala obuvunaayizibwa okwewala kyekubiira, okuggyayo ensonga mu bulambulukufu n’obutasiiga nziro bantu mu bugenderevu nga tebalina nsobi.

Yagamba nti bannaddiini okwogera ku nsonga z’ebyobufuzi tekyewalika naddala nga babuulira ku nneeyisa n’enkola entuufu ezizimba abantu mu mubiri ne mu mwoyo.

More From The Author

Emboozi z’omuwandiisi endala

Emboozi endala

Bujingo2703422 220x290

Bugingo ennyumba gye yazimbidde...

OMUSUMBA Aloysius Bugingo akudaalidde abantu ababadde balowooza nti, enju ye gaggadde gy’azimbira omugole Susan...

Lab2703422 220x290

Aba Ssebulime balangidde minisita...

FAMIRE ya Ronald Ssebulime banyiivu olwa kye baayise Minisita Nantaba okwongera okubalaata n’atuuka n’okujaguza...

Tta 220x290

Nantaba awadde Museveni amannya...

MINISTA Idah Erios Nantaba akaabidde mu kusaba mw’agambidde nti abaagala okumutta bali mu Gavumenti mwennyini era...

Lumba 220x290

Abadde afera abaagala Viza bamuyodde...

KITUUFU Kampala si bizimbe. Abantu basula bayiiya ng’ate abalala bafera bannaabwe okuba obulungi.

Kola1 220x290

Empeta za bba wa Babirye zibuzaabuza...

ABALONZI b’omubaka Paul Musoke Ssebulime owa Buikwe County North era bba w’omubaka omukazi owa Buikwe bali mu kwewuunaganya...