TOP
  • Home
  • Ageggwanga
  • Omugagga wa Fuelex aludde ng'akukusa amafuta bamukwatidde Ntebe ng’adduka ne famire

Omugagga wa Fuelex aludde ng'akukusa amafuta bamukwatidde Ntebe ng’adduka ne famire

By Musasi wa Bukedde

Added 6th June 2016

OMUSUUBUZI w’amafuta omututumufu nnannyini masundiro ga Fuelex eyakwatibwa olw’obutawa musolo, kyokka poliisi n’emuta, azzeemu n’akwatirwa ku kisaawe ky’e nnyonyi e Ntebe ng’agezaako okudduka mu ggwanga ne famile ye.

Manya 703x422

OMUSUUBUZI w’amafuta omututumufu nnannyini masundiro ga Fuelex eyakwatibwa olw’obutawa musolo, kyokka poliisi n’emuta, azzeemu n’akwatirwa ku kisaawe ky’e nnyonyi e Ntebe ng’agezaako okudduka mu ggwanga ne famile ye.

John Imaniraguha yakwatiddwa ku Ssande ku ssaawa mukaaga ez’emisana ng’ali ne famire ye yonna wakati mu bukuumi wabula kyokka abaserikale ba URA ne bamutaayiza ne bamulemesa okulinnya ennyonyi ne bamukwata.

Sarah Birungi omwogezi wa URA yategeezezza ku Ssande nti John Imaniraguha batutte ekiseera nga bafuna okwemulugunya okuva mu basuubuzi banne ab’amafuta olw’amasundiro ge okusala ebbeeyi bbo ne basigala nga tebatunda ate nga bawa emisolo era nga beebuuza wa gy’agasuubula g’atundira ku bbeeyi eyawansi ennyo.

Okukwata Imaniraguha kyaddirira URA okukwakata lukulana eyali efukumula amafuta mu ssundiro ly’amafuta erya Planet e Bwaise era oluvannyuma lw’okunoonyereza okuva eri omuwandiisi w’amakampuni mu ggwanga kyazuulibwa nga nayo ya John Imaniraguha.

John Imaniraguha

Abadde ayingiza amafuta mu ggwanga mu lukulalana ezisaabaza amafuta g’ennyonyi eziwandiikibwako Jet-A-1 nga gano tegaggyibwako musolo era nga tegabikkulwa kukeberwa kubanga amafuta g’ennyionyi bwe gayiikamu ekintu kyonna gonooneka olwo Imaniraguha n’akozesanga omukisa guno okuyisaawo petulooli ne dizero nga tafasudde musolo.

Agnes Nabwire akulira ebikwekweto mu URA yagambye mu mbeera eno batera kwesigama ku biwandiiko wabula nga bukya kkampuni eno etandikibwawo ebadde yeenyigira mu kakodyo kano era nga baatandise okunoonyereza ku bulabbayi buno obuviira ddala gye baggya amafuta mu mawanga ag’ebweru.

“Agamu ku mafuta agayingizibwa nga mu ggwanga nga tegamaze kwekebejjebwa tegaba ga mutindo gwetaagisa mu yingini z’emmotota naddala ezo enkola empya,” Nabwire bwe yagambye.

maniraguha chats with a relative after his arrest hoto by amadhan bbey

John Imaniraguha ng'ayogeraganya n'omu ku booluganda lwe

Yagambye nti okukusa amafuta y’emu ku nsonga lwaki bbeeyi yaago eyawukana ekisukkiridde okuva ku ssundiro erimu okudda ku ddala uba abatasasula musolo emiwendo gyabwe gisigala nga gya wansi ddala.

URA ng’eyambibwako ekitongole ky’omutindo mu ggwanga ekya UNBS bekebejja amafuta agakwatibwa ku ssundiro lya Planet e Bwaise gye buvuddeko nga kulukulana kuwandiikiddwako ebigambo nti mafuta ga nnyonyi kyokka oluvannyuma bakizuula nti yali dezero.

Lukululana yawambibwa n’etwalibwa ku kitebe kya URA e Nakawa nga wiiki ejja gasuubirwa okutundibwa ku nnyondo nga n’okunoonyereza ku bumenyi bw’amateeka buno bwe kugenda mu maaso.

More From The Author

Emboozi z’omuwandiisi endala

Emboozi endala

Kakozaemmotokazeazilabiriraokusikirizabakasitomawebuse 220x290

Mmotoka enkadde mwe nkola ssente...

Wazir Kakooza alaga lwaki omuntu yeetaaga kuyiiya kyokka okukola ssente mu kifo ky'okunoonya emirimu.

Miss 220x290

Abavuganya mu mpaka za Miss Uganda...

Abawala 22 abavuganya mu mpaka za Miss Uganda battunse mu mpaka z'okwolesa talanta

Eyeclinicwebuse 220x290

Kw'olabira amaaso ageetaaga okujjanjabwa...

Kebeza amaaso go buli mwaka okutangira obuzibu okusajjuka ssinga gabeera malwadde

Img20190718132844webuse 220x290

Abakyala mukole ebiraamo okutangira...

Abakyala muve mu kwezza emabega mukole ebiraamo okuwonya abaana bammwe okubbibwa n'obutafuna mu ntuuyo zammwe

Bala3 220x290

Abaabadde ne Prince Omar ng'akwata...

OMUYIMBI amanyiddwa nga Prince Omar bwe yabadde akola vidiyo ye abaamuwerekeddeko baalidde emichomo gyennyama kw'ossa...