TOP
  • Home
  • Ageggwanga
  • Omugagga wa Fuelex avunaaniddwa ogw'obutasasula musolo

Omugagga wa Fuelex avunaaniddwa ogw'obutasasula musolo

By Alice Namutebi

Added 7th June 2016

OMUGAGGA wa Fulex John Imaniraguha asimbiddwa mu kkooti navunaanibwa omusango gw’okusangibwa n’amafuta g'atasasulidde musolo agabalirwamu obukadde obusoba mu 12.

Para 703x422

Omugagga wa Fuelex John Imaniraguha ng'atwalibwa ku kkooti okuvunaanibwa emisango gy'okusangibwa n'amafuta g'atasasulidde musolo. EKIF: ALICE NAMUTEBI

OMUGAGGA wa Fulex John Imaniraguha asimbiddwa mu kkooti navunaanibwa omusango gw’okusangibwa n’amafuta g'atasasulidde musolo agabalirwamu obukadde obusoba mu 12.

John Imaniraguha yakwatiddwa ku Ssande poliisi y'oku kisaawe ky’e Ntebe bwe yabadde agezaako okudduka mu Uganda era eggulo ku Mmande yatwaliddwa ku kkooti y’abalyake  n'asomerwa omusango gw'okusangibwa n’amafuta g'atasasuliridde musolo wabula n'ateebwa ku kakalu ka kkooti ka bukadde 6.

Ekitongole ekisoloozo omusolo mu ggwanga, ekya Uganda Revenue Authority (URA) kitegeezezza omulamuzi John Peter Lochomin nti  nga April 15 2016, Imaniraguha yasangibwa ne liita za dizelo 13,250 ku ttabi lya Fuelex erisangibwa e Wakaliga kyokka byonna n'abyegaana.

Balooya be baategeezezza omulamuzi nti Imaniraguha atawanyizibwa endwadde z’olukonguba mu mbeera eno, tasobola kubeera mu kkomera omuli omugotteko era ne baleeta n’abantu 3 abaamweyimiridde, omulamuzi  kwe yasinzidde okumuta.

Imaniraguha era yaggyiddwako paasipoti ye era n'alagirwa nti bw'aba ayagala okufuluma Uganda alina okukola okusaba okutongole mu kkooti.

More From The Author

Emboozi z’omuwandiisi endala

Emboozi endala

Annotation20190719080947 220x290

Bukedde TV Livestream: Ekyenkya...

Bukedde TV Livestream: Ekyenkya

Massagebeingdonewebuse 220x290

By'olina okutunuulira nga tonnakola...

Nakola masaagi ne ntemwako okugulu era ntambulira mu kagaali - Dr. Karuhanga

Omukubayizingalikobyanyonyolawebuse 220x290

Abawala abazaddeko mubazze mu masomero...

Abawala abazaddeko okudda mu masomero kyakuyigiriza abalala obutakola nsobi n'okubudaabuda abafunye obuzibu bwe...

Teekawo1 220x290

Akakiiko ka bannamateeka kasazizzaamu...

OLUKIIKO olufuzi olwa bannamateeka ba Uganda Law Society olukwasisa empisa lusazizzaamu ekibonerezo ky'emyaka ebiri...

Club 220x290

Vipers bagitutte mu kkooti lwa...

KIRAABU ya Vipers bagitutte mu kkooti lwa kukozesa akabonero kaayo (logo) nga tebasasudde yakakola. Era eyabawawaabidde...